O presidente da Xunta, Alberte Núñez Feixóo, avisou de que 'a próxima carta' que remita o Goberno autonómico en relación á negociación aberta sobre a Lei de Caixas terá como destinatario ao presidente do Executivo central, José Luis Rodríguez Zapatero, e non ao secretario de Estado de Cooperación Territorial, Gaspar Zarrías, a quen volveu cuestionar como interlocutor polo seu obxectivo de 'bloquear' o marco para unha fusión das entidades de aforro galegas.

O portavoz do Grupo Parlamentario do PPdeG, Manuel Ruiz Rivas, destacou que, tras un ano desde que os 'populares' asumiron as rendas da Xunta, Galiza pasou dun bipartito con 'pelexas internas' a un 'Goberno único e ben coordinado'. Así mesmo, na súa intervención, enfrontouse coa oposición pola cuestión lingüística e advertiulle de que á súa formación 'non lle van a dar leccións' de galego socialistas e nacionalistas.

O presidente do Grupo Parlamentario dos Socialistas, Manuel Vázquez, fixo un repaso área por área da xestión de Alberte Núñez Feixóo no seu primeiro ano de Goberno, para concluír que foi 'un desastre', principalmente no ámbito económico, dada a carencia de estratexias, e no apartado lingüístico, xa que se limitou a 'deostar' o galego e a reconvertelo 'nunha lingua inferior'.

Agresividade contra a lingua e pasividade na loita contra a crise. Estas son as dúas acusacións que centraron as críticas do voceiro do BNG, Carlos Aymerich, na primeira sesión do Debate de Estado de Autonomía.

Filólogos e lingüistas de todo o Estado advertiron hoxe de que o 'equilibrio absoluto' entre galego e castelán exposto no anteproxecto de decreto do plurilingüismo da Xunta non implica un 'trato igualitario', a partir do postulado erróneo de que parten da mesma situación.

A representante do BNG no Parlamento Europeo, Ana Miranda, vén de presentar unha denuncia perante a Comisión de Peticións do Parlamento Europeo contra a posíbel construción dunha macropiscifactoría de Pescanova en Cabo Touriñán, 'un proxecto que apadriña o Partido Popular dende a Xunta de Galiza'.

O portavoz do Grupo Parlamentario do PPdeG, Manuel Ruíz Rivas, salienta que o discurso do presidente da Xunta, Alberte Núñez Feixóo, supuxo a 'volta á realidade' do país, pero usando tamén a linguaxe do 'inconformismo', e subliña como mostra da xestión do Executivo a proposta de 'Once novas leis, 20 reformas lexislativas e 25 plans' para os sectores estratéxicos galegos.

O portavoz parlamentario do PSdeG, Xaquín Fernández Leiceaga, critica a 'parálise' do Goberno galego durante o último ano, no que foi 'incapaz' de pór en marcha 'a máis mínima medida' para combater a crise e os efectos do desemprego. Ademais, lamenta que o seu labor se cinguiu ao deseño de 'magnos plans' que acabarán 'nun caixón en poucos meses'.

O portavoz do Grupo Parlamentario do BNG, Carlos Aymerich, considera que o mandatario autonómico, Alberte Núñez Feixóo, 'confundiu' o primeiro Debate do Estado da Autonomía co de 'investidura'. 'Segue dando plans para esconder as promesas que non cumpriu'.

Inminente concurso eólico e nova marca para o leite de calidade son algunhas das medidas concretas contra a crise no primeiro discurso de Alberte Núñez Feixóo como presidente nun Debate de Política Xeral.