CDC proporá no seu próximo congreso unha 'folla de ruta' soberanista para que Catalunya poida exercer o seu 'dereito a decidir' en temas clave para o seu futuro, como o sistema de financiamento ou as infraestruturas, sen pechar a porta, en último termo, á autodeterminación.

O PP quedou hoxe só no Senado ao defender unha moción na que instaba o goberno a 'garantir o ensino en lingua castelá en toda España e en todas as etapas educativas', pero o resto de partidos políticos votou en contra porque 'é un dereito que xa se garante'.

A presidenta do PP vasco, María San Gil, afirmou hoxe que perdeu a confianza na dirección nacional do PP e que, se non a recupera, deixará a presidencia do PP vasco. Tras asegurar que se sentiu 'pouco apoiada e enganada' no relatorio político 'non por Mariano Raxoi pero si por algún colaborador próximo seu', destacou que adiantará a xullo o congreso do PP vasco. Algunhas fontes aseguran que podería mesmo deixar a política activa.

O presidente do Goberno, José Luis Rodríguez Zapatero, subliñou onte que o novo modelo de financiamento autonómico deberá definirse a partir dun acordo entre todos e dar como resultado un sistema que asuma o impacto de diversas variables, non só a poboación, senón tamén as súas variacións, a dispersión territorial, o envellecemento da poboación ou a insularidade.

Un morto e catro feridos é o balance de vítimas do atentado cometido esta pasada madrugada por ETA contra Casa Cuartel de Legutiano (Alava). O axente falecido é Juan Manuel Piñuel Villalón, natural de Melilla, tiña 49 anos e un fillo, e estaba nese momento de garda na garita do cuartel.

As augas seguen revoltas no proceso precocongresual do PP. Cada luns Raxoi almorza cun novo anuncio por sorpresa. A marcha de María San Gil é especialmente perigosa porque formaba parte do equipo redactor da ponencia política. A próxima 'fuxida' pode ser a de Juan Costa á empresa privada. Esperanza Aguirre, que calara esta última semana, reaparece.

A presidenta do Partido Popular do País Vasco, María San Gil, decidiu abandonar a redacción do relatorio político que será presentado no próximo congreso do PP por 'diferenzas de criterio fundamentais' producidas no seo da mesma. Nun comunicado, o PP vasco engadiu que 'isto non supón renuncia por parte de María San Gil a seguir achegando os seus puntos de vista para colaborar na mellor proposta e estratexia políticas'. A ponencia faise pública hoxe.

Nunha entrevista concedidaa Europa Press o ex presidente galego, e agora senador autonómico, amósase contrario a extender o sistema foral de Navarra e País Vasco e tamén se pronuncia contra a admisión polo Constitucional do termo 'nación' para Cataluña.

O vindeiro mes de xuño está marcado en vermello nas axendas de Esquerra Republicana de Catalunya e do Partido Nacionalista Vasco. Ambas formacións deben afrontar nesas datas dous acontecementos importantes que, de seguro, van determinar o seu futuro inmediato.