Mañá comeza o mundial de hóquei a patíns en Vigo. As 16 mellores seleccións do mundo pelexan por un título que España gañou nos dous últimos campionatos. O Instituto Feiral vigués convértese nunha espectacular pista deportiva.

A Comisión de clubs de Segunda División B aprobou a proposta de composición dos catro grupos. Os galegos quedan encadrados no primeiro, xunto con vascos, navarros e castelán-leoneses. O Rácing de Ferrol xa expresou o seu desgusto con esta proposta, que cualifica de 'chafallada'

O ciclista Óscar Pereiro, ganador do Tour de Francia en 2009, será o único representante galego na rolda gala. O corredor de Mos liderara ao Caisse d'Espargne, equipo do que forma parte actualmente.

Pontevedra acollerá o Campionato de Europa de Triatlón en 2011, segundo ven de confirmar a Federación Española de Triatlón (FETRI), despois de que fose designada polo Comité Executivo da Unión Europea de Triatlón (ETU).

O equipo feminino de fútbol do Rápido de Bouzas fixo honra ao seu nome. Na tempada do seu debut acadaron o seu primeiro título, a Copa Galiza. O remate da campaña non puido ser mellor, malia que non acadaron o ascenso. No torneo do KO foron moi superiores ao resto de adversarios. O seu balanzo: nove vitorias noutros tantos partidos.

As embarcacións galegas de Tirán e Samertolameu de Meira –ambas as dúas de Moaña– son as únicas participantes galegas de entre os 12 clubs que conforman a Liga da Asociación de Clubs de Traíñas (ACT). Este sábado dáse a saída a un verán de regatas na cornixa cántabro-atlántica, que chegará até os peiraos de Moaña, O Grove e Pontevedra durante este mes. As traíñas galegas, dentro da elite do remo tradicional, vivirán un novo reto esta tempada entre as embarcacións do máis alto nivel. Esta fin de semana, Bilbao é o punto de partida dun espectáculo deportivo no que case se percorrerán os 1.000 quilómetros que separan Moaña da localidade guipuscoana de Hondarribia.

A ACB vén de aceptar a inscrición do CAB Obradoiro para a tempada 2009/10. Tras o estudo da documentación, e coñecer o informe dos auditores, considera apto o club santiagués. A asemblea xeral, que se celebrará o 10 de xullo, será a que aprobe e considere definitivamente ao Obradoiro como club da ACB.

Os ciclistas do Xacobeo Galicia preparan a segunda parte da tempada ciclista despois dos Campionatos de España de fondo en estrada, na que Carlos Herrero, que ocupou a décimo novena praza, foi o corredor do equipo galego que quedou mellor clasificado.

A afección do Breogán é unha das máis numerosas de Europa, segundo un estudo e posterior ránking elaborado pola FIBA. A cada partido do conxunto lugués asisten unha media de 3.225 espectadores, o segundo da Liga LEB Ouro, detrás do Grupo Begar León.

O nadador galego Iván Brión é un dos elixidos para participar na III Copa de Europa de Augas Abertas que se celebrará a vindeira fin de semana na localidade croata de Proec. Brión participará na proba dos 10 quilómetros.