Somos unhas lerchas, e eu máis. Dende a cociña do piso de Balta, que vai dar a un patio, podo espiar, grazas ao reflexo dos cristais, o veciño de dous pisos máis abaixo. O home está coma un queixo e adícase a pasear en calzóns pola cociña.

Observador indiscreto

 1

Encántame iso das plantas carnívoras. Tráeme a imaxe dunha moza incríbel botándolle redes encima a todo home que se lle achegue. Penso na cantante de 'The gossip', Beth Ditto, inmensa, branca e agresiva, devorando os seus reféns (ás súas reféns, máis ben) coma o Saturno de Goya, coma se fosen hamburguesas con moito ketchup. Ahh, sen dúbida unha deusa á que adorar...

Beth Ditto, cantante en The Gossip

 1

Agora temos unha movida do copón coa Belén Estéban que aparece até na dorsal dos cartóns de leite, e a Tárrega a dicir que é unha cortina de fume para tapar a crise. Eu pensaba que para iso machacaban co da gripe A, pero estaba claro que non era un tema suficientemente alarmista coma o de que Andreíta deixe de recibir reprimendas cando non come o polo.

 3

O sol brilla. Fai unha calor de morte. Por fin deixou de chover e dan unhas ganas de pasar o día enteiro na praia que nin che conto. Ah! Que estamos en setembro e tedes que voltar ao traballo? Rematou o de pasar a tarde vendo o 'Sálvame'? Ben, a min aínda me quedan catro meses de vacacións XD.

 4

Hoxe despídome de vos por un mes con certa amargura. Pero reconfórtome ao pensar en sobarlle os peitos a José María Aznar! Eses abdominais torneados e eses brazos brutais están xa no arquivo de calentóns do meu cerebro. Ai, meu señor ex presidente. Cando o chamarán para facerlle un anuncio tipo Cool Water, saíndo do mar todo molladiño, a sacudir a meleniña de sota de bastos e sorber o mostacho salgado con algunha alguiña atrapada nel... Vaia, non sei a que me vén este sotaque de diminutivos ao Ned Flanders..

Ansar sen a crise (dos cincuenta)

 3

Podería falar de idiomas pero desta vez vai sobre o músculo da boca. Que hai de malo en compartir unha sobremesa fría? E cando non está fría?

 1

As rutinas dos veciños son moi importantes á hora de ter unha boa convivencia. Se un ten que madrugar, e os veciños dedícanse a cortellarse ás tres da mañá é moi posíbel que xurdan encontronazos. Aínda que coma ben di o refraneiro, se non podes con eles, únete...

Dous Palmípedes.. L.A.

 2

Seica estamos en verán. É o malo de non traballar: non tes vacacións. O tempo pasa lento, enganchas as garimbas coa cama nun bucle infindo, e coma o clima non é que cambie demasiado, a estación parece sempre a mesma. Que dura a vida de ociosa! Que tedio! Cando traballaba sabía sempre en que día andaba e canto quedaba para o festivo seguinte... Outra cousa: pretendía ser irónica.

A cantante de Krakovia

A ninguén lle resulta sospeitoso que Ramoncín desapareza de Operación Triunfo coincidindo coa morte de Michael Jackson? Eu xa non dubidaba dos seus pactos co diaño para reter a eterna xuventude, pero seica fixeron tan boas migas que o avisou para saír pitando cara a 'Wonderful Landa' ou como se chame, a ver se pilla cuarto e metade dos dereitos das cancións dos Beatles, Elvis ou o propio Michael, e seguir enchendo as arcas da SGAE...

O do Mystery é un misterio..

 3

Deixade que me recree na noite galega que me toca a fibra. Panxón, Mogor, A Coruña... Quizais esta última cidade é a que a celebra con máis ímpeto. Todas as idades concéntranse no areal. Quéimase de todo nun atentado indiscriminado contra a praia. Pero todos saltan xuntos, e até certo punto paga a pena o mal que fai.

 3