RSS
FACEBOOK
Anxos García Fonte
Detrás do blog Nubosidade Variábel está Suroeste, que en realidade é Anxos García Fonte. Esta docente e investigadora venceu a timidez e lanzouse de cheo a percorrer as múltiplas posibilidades que lle ofrece a rede creando o seu propio blog. Catro anos e medio despois de dar o paso confesa que se sorprende ao reler as súas coitas e asegura que o seu é un blog que continuará mentres teña cousas que contar.
Jaureguizar.
'Cabaret Voltaire' é o blog no que o xornalista e escritor Santiago Jaureguizar dálle rédea solta á súa visión sobre a cultura galega e europea. Este espazo promete espectáculo diario porque a cultura, segundo o seu autor, 'pode analizarse cunha visión humorística'.
Ana Martínez, á esquerda, e Josefina Gómez, son 'O Trasno Viaxeiro'
Xosefina Gómez e Ana Matínez son O Trasno Viaxeiro, unha libraría de Cacheiras (Teo) que a través da súa web dan a coñecer novidades editoriais, actos literarios e desafogos varios, así como unha completa listaxe de enlaces con outros autores, editoriais e sitios literarios. Xosefina é a que se encarga en maior parte de actualizar e lle dar vida a este blog literario.
Autorretrato de Estíbaliz Espinosa..
A escritora Estíbaliz Espinosa ten no seu blog 'mmm' un espazo para a visión da realidade cunha perspectiva literaria que lle permite conectar con outros autores e outras realidades. Detrás da onomatopea que lle da nome este blog a autora ten un laboratorio de textos cos que nun futuro pretende publicar un libro.
Fran Alonso
Detrás de 'Cabrafanada' está o editor e escritor Fran Alonso. Neste seu espazo, definido como 'unha arañeira complexa' hai 5 blogs, 4 canais Youtube, 1 páxina de Facebook, 9 de Twitter, 1 álbum de Picassa, e outro de Fotolog, 2 páxinas de Googles Pages e 2 de Googles Sites. Con todas estas canles o autor proponlles aos seus lectores un novo tipo de web 'máis participativo e máis actualizado onde a información rula constantemente'.
Detrás de Proxecto-Q está Daniel Landesa, filólogo de Lingua Galega que atopou no blog un novo xeito de linguaxe e unha maneira doada e activa de volver á creación literaria. 'Proxecto Q é un espazo modesto, pouco ambicioso no que volco cousas e a xente as le. Sérveme para coñecer outras persoas e volver ao rego, é dicir, a escribir'.
Tati Mancebo
O de Tati Mancebo é un blog de referencia en Galiza sobre a literatura e libro dixital con información puntual de todas as novidades a nivel planetario. Aínda que funciona dende hai oito meses conta cun grupo fiel de seguidores que agradecen a información puntual sobre a revolución que xa se empeza a vivir no mercado editorial.
Bieito Lorenzo e Helena Robledo.
Helena Robledo e Bieito Lorenzo forman o tándem que da vida a 'Espertar'. Trátase dun blog no que ela colga as súas fotografías experimentais e el se ocupa da parte técnica.
Xurxo Sierra Veloso.
Detrás do 'Rei de Copas' está Xurxo Sierra Veloso, un escritor en galego ('Os ollos do Rei de Copas' é o título dun dos seus libros) que traballa dende hai unha década na Escola de Maxisterio de Zamora. A Autovía A-52 é a súa verdadeira patria e a internet unha válvula de escape e encontro de ideas.
Carlos Neira
Detrás de Calidonia están as teimas de Carlos Neira. Este espazo, que empezou sendo un diario persoal con vocación poética, tornouse nun lugar no que a política, as novas tecnoloxías e o profesional gañaron terreo. Arestora este blog é imaxe do seu creador, unha persoa polifacética á que lle gusta conversar e disertar sobre temas diversos.
O tempo - DATOS OFRECIDOS POR www.meteogalicia.es
Valores de interese galego
| Empresa | Cotizacion | % |
|---|---|---|
| Pescanova | 21.84€ | +0.09% |
| Adolfo Domínguez | 11.02€ | +0.74% |
| Inditex | 48.79€ | +1.13% |
| Ence | 2.65€ | +2.81% |
| Zeltia | 4.04€ | -0.73% |
| Banco Pastor | 4.50€ | -2.03% |
| Grupo San José | 6.76€ | -1.89% |
| Endesa | 22.44€ | +0.43% |
Últimas
+ lidas
+ votadas
+ comentadas
1/4
Novas por LocalidadesBeta!
-
-
2
-
1
-
-
10
-
1
-
8
-
8
-
2
Ver máis
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
