O portavoz parlamentario do PSdeG, Xaquín Fernández Leiceaga, anunciou hoxe a abstención do seu grupo 'de modo unitario' na votación da reforma da Lei do Solo, que irá a pleno esta semana, no caso de que o texto pactado por socialistas e populares co conselleiro de Medio Ambiente, Agustín Hernández, se 'revise' tras as palabras do presidente da Xunta, Alberte Núñez Feixóo.

O texto do proxecto do polémico 'decreto do plurilingüismo' no ensino non universitario está 'bastante maduro' e 'aquilatado' de cara á súa redacción definitiva. Así o considerou o secretario xeral de Política Lingüística, Anxo Lorenzo, sobre un texto que, malia reducir ao 33 por cento a presenza da nosa lingua, ve como unha 'proposta coherente' e 'realista' para a consecución dun 'equilibrio' entre galego e castelán nos centros educativos, que estará 'fixado' e garantido na nova norma.

Co gallo do Día Forestal Mundial que se vai celebrar mañá, Verdegaia esíxelle á Xunta melloras na política forestal galega 'pola súa escasa sensibilidade e sostibilidade ambiental'.

O presidente da Xunta e líder do PPdeG, Alberte Núñez Feixóo, e a secretaria xeral do PP, María Dolores de Cospedal, participarán hoxe no III Congreso do PP español no Uruguai, que terá lugar no 'Centro Galego de Carrasco'. Neste país viven máis de 46.000 galegos e os 'populares' queren superar os 1.060 afiliados cos que contan neste momento.

A principios dos oitenta, Shohei Imamura, director de cine xaponés, realiza unha película chamada 'A Balada de Naraiama', que relata a costume dos anciáns de ir morrer ao monte Naraiama cando presentían que lles chegaba a hora. Esta lenda nipona está tamén presente en varias aldeas da Raia Seca, especialmente na Fraga, pertencente ao concello de Lobeira e na Azureira (Padrenda)

Os votos do PSdeG e PPdeG avalaron a convocatoria, no prazo ‘máis curto posíbel’, dun proceso de admisión a trámite de parques eólicos cunha potencia máxima de 2.325 megavatios, mentres que os 12 deputados do BNG rexeitaron esta iniciativa que promove un novo concurso de aproveitamentos eólicos tras suspender o realizado polo bipartito.

O Debate do Estado da Autonomía, que concluíu con 147 propostas de resolución aprobadas, reservou diversos capítulos á xestión da Xunta co Goberno central, entre as que se atopan unha iniciativa apoiada por 'populares' e socialistas, sen o BNG, para reclamar as transferencias pactadas no 2008. Ademais, piden iniciar as negociacións para aumentar noutras 10 o paquete de competencias, entre as que se atopan as relacionadas coa titularidade de autoestradas, a ordenación do litoral ou o domino hidráulico.

O Goberno galego cifra en 6 millóns de euros o aforro anual que suporá a súa nova estrutura territorial, tras a substitución dos 52 delegados provinciais por cinco delegados territoriais, dos secretarios e dos xefes de servizo.

O presidente do PP de Ourense, Xosé Manuel Baltar Blanco, felicitou o secretario xeral de Política Lingüística, Anxo Lorenzo, por articular ‘unha nova regulación moi valiosa’ sobre o idioma no ensino, en referencia ao novo decreto do plurilingüismo, e apelou á ‘responsabilidade’ de PSdeG e BNG para ‘non confrontar’ coa lingua.

O director foi cesado pouco despois de que saltase a acusación xudicial contra o alcalde de Barreiros ao fío dun informe da Axencia de Proteción da Legalidade Urbanística, que tamén acababa de abrir expedientes por infraccións graves en sete municipios de Pontevedra.