A Nosa Terra é un medio de comunicación fundado en 1907 e vinculado desde as súas orixes ao galeguismo, o que se traduciu no uso da lingua galega como marca da cabeceira. Entre 1936 e 1977 editouse, con periodicidade irregular, na Arxentina. Durante os últimos trinta anos mantivo unha edición semanal en papel que, desde o 4 de decembro de 2007, se complementa co diario dixital que neste momento visitas.

Promocións Culturais Galegas S.A. é a empresa editora. Outro dos seus contidos é a editorial A Nosa Terra que, neste momento, conta xa cun interesante catálogo dedicado sobre todo á divulgación, a historia e os libros infantís, entre os que destaca a famosa colección Os Bolechas. O ideario de A Nosa Terra defínese actualmente pola defensa dos intereses de Galicia, inseridos no marco español e internacional, desde unha perspectiva absolutamente pluralista.

Entrevista con Miguel Barros, presidente do Consello de Administración de A Nosa Terra