PUBLICIDADE
Sábado, 04 de xullo de 2009
Portada  |  CULTURA   RSS
Xesus Fraga e Kiko Novoa gañan os Premios de Normalización Lingüística de Carballo

Redacción . 

Reloxo 12.05.2008 | 20:04

O xornalista e escritor Xesús Fraga O xornalista e escritor Xesús Fraga. Xan Carballa O xurado do IV Premio a artigos xornalísticos normalizadores reuniuse en Carballo para decidir os dous artigos gañadores deste certame, ao que se presentaron 40 traballos de todas as partes do país e incluso de fóra, e decidiu concederlle o primeiro premio, dotado con 1.000 euros e a publicación do artigo en A Nosa Terra, A Peneira, Diario de Bergantiños, Galicia Hoxe, La Opinión de A Coruña, La Voz de Galicia, O Acontecer, Tempos Novos e Vieiros, ao artigo titulado «A bendita intranscendencia do pop», de Xesús Fraga Sánchez.
O artigo analiza o importante que é para a normalización lingüística a fornada de grupos musicais actuais que cantan en galego con total normalidade sen ter que cargar coa responsabilidade de facer país ou salvar o idioma, igual que antes fixo o movemento bravú, Os Resentidos ou Andrés do Barro.
Xesús Fraga (Londres, 1971) reside na Coruña e é redactor e locutor de La Voz de Galicia e Radio Voz dende 1996 e tamén colaborador do programa da TVG Libro Aberto. Como escritor ten publicados tres libros de recoñecido éxito, que son Tute para catro (Xerais, 2000), A-Z (Xerais, 2003) e Solimán (Xerais, 2004). Tamén publicou a tradución a galego de Arthur e George, de Jullian Barnes.
O segundo premio, dotado con 350 euros e a publicación nos nove medios colaboradores co certame, foi para o artigo «Carta dun trífido esquizoide», de Kiko Novoa. No seu artigo destácase a modernidade, necesidade e practicidade do galego, e faise cunha comparativa co sueco e cunha destacada calidade literaria con tintes rupturistas e con destacados valores estilísticos.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2009 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación