PUBLICIDADE
Venres, 08 de agosto de 2008
Portada  |  TECNOLOXÍA   RSS
A MAIORÍA DOS FORMADORES SON MULLERES
Un millar de cursos contra a fenda dixital no agro

M. V .  Máis de 7.600 persoas, sobre todo habitantes de áreas illadas, xa recibiron formación en informática grazas a labor do cento de bolseiros da Rede de Dinamización da Sociedade da Información. Unha iniciativa da Consellería de Industria para sacar o máximo proveito das aulas informáticas espalladas polos concellos rurais do país.

Reloxo 15.05.2008 | 17:37
TAGS: cursos de informática , muller rural ,

Aula de informática en Coles Aula de informática en Coles. P.R. A Xunta leva investido case un millón de euros na posta en marcha da Rede, que xa vai pola súa segunda xeración de dinamizadores. A maior parte destes bolseiros, que foron formados previamente pola Consellería, son mulleres. É máis, na última promoción de formadores tan só había un home.

Segundo datos do Executivo, a Rede organizou dende a súa posta en marcha en 2007 máis de 1.500 actividades, incluíndo 1.076 obradoiros e 35 cursos específicos e ducias de exposicións. Iniciación á informática, ao uso de internet, sinatura dixital, emprego do correo electrónico ou busca de traballo a través da rede son algunha das materias impartidas. En total, as horas de formación ofertadas até agora superan as 11.000.

Algo máis que déficit de conexións

A Xunta apostou pola Rede nun intento de aproveitar as infraestruturas públicas de moitos pequenos concellos, que até entón estaban infrautilizadas pola ausencia de formadores. E é que, a falta de preparación dos galegos para as novas tecnoloxías –especialmente das persoas maiores que viven no agro– foi unha das barreiras identificadas por Industria na elaboración do PEGSI, o primeiro plano de novas tecnoloxías do Goberno Galego que acaba de cumprir un ano.

Así, por exemplo, neste intre pódese aprender a deseñar páxinas webs no Porriño, a usar Linux en Sarreaus, a procesar textos en Boborás e os fundamentos da informática en Coles.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación