PUBLICIDADE
Martes, 08 de xullo de 2008
Portada  |  SOCIEDADE   RSS
Costa 829 euros
Sae á venda o primeiro casco con airbag

Redacción .  A empresa catalá APC Systems lanza hoxe ao mercado as primeiras unidades do casco con airbag. Este sistema, que integra o airbag na parte traseira do casco e se desprega aos 0,15 segundos de detectar o accidente, supón un importante avance na seguridade pasiva dos motoristas xa que reduce o risco de sufrir lesións cervicais e dorsais en caso de accidente.

Reloxo 13.05.2008 | 07:20
TAGS: Motoristas , casco , airbag , seguridade vial , APC Systems , ,

Un casco de motorista Un casco de motorista

Catro anos de investigacións e 1,5 millóns de euros foi o investimento que a empresa APC Systems investiu na creación desta patente que aspira a converterse nun salvavidas para motoristas de todo o mundo. O casco con airbag, presentado a semana pasada no Salón da Moto MotOh! de Barcelona sae hoxe á venda coa intención de ser unha importante ferramenta de seguridade pasiva de motoristas. Segundo os datos que manexa a empresa, o casco con airbag podería actuar de maneira potencial no 70 por cento dos accidentes de motocicleta e ciclomotor, que no caso do Estado español podería ser útil en máis de 10.000 accidentes ao ano.

O dispositivo protexe a zona cervical, estabiliza o pescozo no primeiro impacto e protexe a parte superior do lombo contra os golpes que se poidan producir nos posíbeis impactos posteriores. O seu uso diminúe o risco de sufrir lesións derivadas de situacións de hiperflexión e hiperextensión cervical e evita paraplexías e tetraplexías.

O sistema APC consiste nunha bolsa que, no caso de que uns sensores situados na moto detecten un movemento brusco do piloto, desprégase pola zona das cervicais até a metade do lombo en 0,15 segundos. A maiores o dispositivo conta cunha centraliña de detección que se coloca na motocicleta e un sistema de recepción do sinal por radiofrecuencia e unha batería recargábel parecida á dos móbiles, que é a que detecta o accidente e activa o airbag.

Este casco, cun peso similar ao dun casco normal, ten un prezo de saída de 829 euros. Fabrícase en tres cores (negra, gris e branca) e en catro talles.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación