PUBLICIDADE
Mércores, 08 de outubro de 2008
Portada  |  SOCIEDADE   RSS
A UE admiteo nun texto sobre multilinguismo
Recoñecemento ao galego no Comité das Rexións

Redacción .  O Comité das Rexións da Unión Europea aprobou un ditame de fomento do multilingüísmo no que finalmente se recollen as emendas presentadas pola Xunta, entre outras institucións, para que se recoñeza a realidade de países nos que conviven varias linguas oficiais, como acontece en España co galego, o catalán e o vasco.

Reloxo 19.06.2008 | 07:54
TAGS: multilinguismo , comité das rexións ,

Sede do Consello de Europa en Bruxelas Sede do Consello de Europa en Bruxelas O secretario xeral de Relacións Exteriores da Xunta, Xulio Fernández Mato, defendeu hoxe no pleno do órgano europeo as propostas galegas, entre as que se inclúe a oportunidade de que sexan as administracións locais e autonómicas as que desenvolvan as políticas precisas para fomentar o multilingüísmo entre os cidadáns.

Así mesmo, o ditame recolle tamén a pretensión de que non se equipare o concepto lingua de orixe ao de lingua oficial do Estado, xa que territorios como Galicia contan con dúas linguas oficiais. Así, o Comité das Rexións engadiu ao obxectivo 1 +2 (aprender dúas linguas ademais da oficial) a posibilidade de 2 +2 naquelas rexións que contan con dúas linguas oficiais, como acontece en Galicia.

Precisamente, o texto aprobado hoxe propón "as necesarias iniciativas de sensibilización e motivación da poboación" para o estudio de dúas linguas estranxeiras ao longo da súa vida e recomenda ás rexións que creen un "propio foro local sobre multilingüísmo", segundo explicou a Xunta nun comunicado.

Máis linguas no sistema educativo 

Nesa liña, o Comité das Rexións conclúe que o mundo escolar debe ser animado polas institucións rexionais e nacionais a adoptar unha ampla gama de linguas no paquete educativo, sobre a base das necesidades sociais, económicas, culturais e territoriais.

Finalmente, o ditame tamén aposta polo fomento de formas rápidas de aprendizaxe para que os adultos poidan adquirir competencias lingüísticas que lles permitan expresarse e comprender en linguas estranxeiras, e faise fincapé na aprendizaxe a través de soportes multimedia, así como de programas de intercambio universitario como o Erasmus ou o Sócrates.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación