PUBLICIDADE
Sábado, 04 de xullo de 2009
Portada  |  TECNOLOXÍA   RSS
Proxecto de Toysal
Planta nas Somozas para obter enerxía de refugallo industrial

Redacción .  Converter os residuos das industrias en electricidade. Velaí a idea dunhas novas instalacións que poderían estar en funcionamento no 2011.

Reloxo 06.07.2008 | 12:54
TAGS: electricidade , industria , residuos , as somozas ,

Un camión de Toysal Un camión de Toysal

O Grupo Toysal investirá 54 millóns de euros para construír unha planta nas Somozas que terá capacidade para obter electricidade a partir de refugallos industriais. esta nova planta creará 30 postos de traballo directos e perto dun cento máis indirectos.

O xerente de Toysal, Vítor Toca, logo de adiantar que é posíbel que a planta comece a funcionar no 2011, tamén explicou que están estudando as posibilidades técnicas de que as instalacións sirvan no futuro para tratar residuos orgánicos e convertelos en electricidade.

A planta tiña autorización para se construír no 2005 pero unha alegación de Augas de Galiza atrasou as obras. "O problema", indicou Toca, "é que daquela os bancos tiñan liquidez pero hoxe non", dixo.

Desintegración da materia

Toysal di que implementará unha tecnoloxía limpa, que non lanzará emisións tóxicas á atmosfera. Segundo Toca, o sistema, de orixe estadounidense, baséase na desintegración da materia, a gasificación do residuo e a súa introdución nun ciclo combinado.

Desta operación só queda un pequeno residuo inerte que non se almacena en vertedoiros senón que se pode usar na construción de estradas, por exemplo.

A electricidade obtida no proceso pasa inmediatamente á rede de Unión Fenosa grazas ao acordo que ten Toysal coa compañía. A produción estimada é de 15 megavatios por hora.

Toysal ten algo máis de 300 traballadores e ten unha carteira de industrias diversificada. O pasado exercicio facturou 13 millóns de euros.

 


 

 

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2009 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación