RSS
Redacción . O goberno de facto de Honduras ampliou o toque de queda militar até o vindeiro venres, segundo un anuncio feito a través da estatal canle 8, tomado xa polos golpistas.
01.07.2009 | 08:21
A medida, que dixeron era "para garantir a orde e a seguridade das persoas", estenderase desde as 21.00 ás 05.00 locais. O Executivo ilexítimo de Tegucigalpa xa anunciara o domingo pasado, un toque de queda de 48 horas, entre as nove da noite e as seis da mañá. A pesar deste tipo de medidas e á represión desatada, que deixou un número indeterminado de feridos, o pobo hondureño saíu á rúa para reclamar a volta ao poder do presidente lexítimo, Manuel Zelaya. O pasado 28 de xuño, un batallón de militares encapuchados irromperon violentamente na residencia de Zelaya, secuestrárono e conducírono á forza até Costa Rica, onde quedou abandonado nunha pista co posto. Inmediatamente, o Congreso hondureño anunciou a inhabilitación de Zelaya por violar a Constitución e nomearon como presidente o líder do Parlamento, Roberto Micheletti, alegando a ausencia absoluta do Xefe de Estado e do seu vicepresidente. Nun comunicado, a Corte Suprema de Xustiza hondureña declarou destituír o presidente Zelaya, pero sen presentar ningún candidato ao mandato provisional. Tamén subliñou o seu apoio ao exército hondureño para destituír a Zelaya afirmando que a asonada militar se axusta á Constitución. A comunidade internacional avoga pola restitución da orde constitucional desa nación, representado no retorno do presidente lexítimo de Honduras, Manuela Zelaya, para que culmine o seu mandato constitucional que termina en xaneiro de 2010.
Manuel Zelaya durante unha intervención na Asemblea Xeral da ONU.
Manuel Zelaya falou este martes ante a Asemblea Xeral das Nacións Unidas, que aprobou unha resolución para que os seus 192 membros non recoñezan outro goberno en Honduras que non sexa o do derrocado mandatario.
Os Estados Unidos, a Unión Europea e países latinoamericanos pecharon filas ao redor de Zelaya despois do golpe militar deste domingo.
Zelaya planea retornar a Tegucigalpa o xoves acompañado polo presidente da Organización de Estados Americanos (OEA), José Miguel Insulza, a pesar de que o Goberno interino librou ordes de arresto na súa contra.
"O seu servidor ten varias acusacións en Honduras, pero ninguén me fixo un xuízo, ninguén me convocou a un tribunal a defenderme, ninguén dixo cal é o delito", dixo Zelaya nun discurso ante a asemblea da ONU.
A comitiva que acompañará a Zelaya ao seu país tamén estará integrada pola presidenta da Arxentina, Cristina Fernández, e "posibelmente por outros presidentes da rexión", asegurou este martes unha fonte do ministerio de Exteriores arxentino.
A crise política en Honduras estalou o xoves pasado, cando Zelaya destituíu o xefe das Forzas Armadas por negarse a trasladar as urnas para unha consulta popular que o mandatario quería realizar coa fin de abrir o camiño á súa reelección a través dun referendo nas eleccións de novembro.
Até o de agora, ningún goberno nin institución internacional recoñeceu o presidente interino Roberto Micheletti, designado o domingo polo Congreso co apoio unánime dos deputados, incluíndo o Partido Liberal de Zelaya.
1/1
Últimas
+ lidas
+ votadas
+ comentadas
1/4
-
-
2
Ver máis
Novas relacionadas
- Prazo de 72 horas para reinstaurar a democracia en Honduras
- Micheletti emite unha orde de captura contra Zelaya
- Zelaya regresará a Honduras o xoves
- Honduras suspende as liberdades individuais
- Zelaya atrasa 72 horas o seu regreso a Honduras
- Manuel Zelaya abandona Honduras
- Eximidos os militares implicados no golpe de Estado de Honduras
- Zelaya sairá de Honduras tras catro meses pechado na embaixada
En portada...
-
Once feridos en novos bombardeos contra os palestinosOnce palestinos resultaron feridos esta noite, dous deles... -
Feixóo tenta sumar apoios no Uruguai e na ArxentinaO presidente da Xunta e líder do PPdeG, Alberte Núñez... -
Freo ás actividades de normalización nas escolasA CIG-Ensino vén de denunciar que a Consellaría de... -
A crise golpea o audiovisual e a ediciónA edición e o sector audiovisual son os sectores que... -
![O presidente cubano, Raúl Castro, o seu homólogo brasileiro, Luíz Inácio Lula, e o ex presidente de Cuba Fidel Castro [desde a esquerda] en La Habana o 24 de febreiro do 2010.](media-21743-70-40-.jpg "O presidente cubano, Raúl Castro, o seu homólogo brasileiro, Luíz Inácio Lula, e o ex presidente de Cuba Fidel Castro [desde a esquerda] en La Habana o 24 de febreiro do 2010.")
Brasil, cuarto socio comercial da HabanaDesde o 2003, a influencia comercial do Brasil sobre Cuba... -
Carme Chamorro: 'A gran lacra das redeiras é o intrusismo'A Federación Galega de Redeiras Artesás 'O Peirao'... -
![O presidente de Colombia, Álvaro Uribe [á esquerda] e o ministro de Defensa, Juan Manuel Santos, en Bogotá.](media-21410-70-40-.jpg "O presidente de Colombia, Álvaro Uribe [á esquerda] e o ministro de Defensa, Juan Manuel Santos, en Bogotá.")
A dereita fortalécese en ColombiaTanto o herdeiro de Uribe, Juan Manuel Santos, como os... -
Verdegaia esixe melloras na política forestalCo gallo do Día Forestal Mundial que se vai celebrar...
![O presidente cubano, Raúl Castro, o seu homólogo brasileiro, Luíz Inácio Lula, e o ex presidente de Cuba Fidel Castro [desde a esquerda] en La Habana o 24 de febreiro do 2010.](media-21743.jpg "O presidente cubano, Raúl Castro, o seu homólogo brasileiro, Luíz Inácio Lula, e o ex presidente de Cuba Fidel Castro [desde a esquerda] en La Habana o 24 de febreiro do 2010.")
![O presidente de Colombia, Álvaro Uribe [á esquerda] e o ministro de Defensa, Juan Manuel Santos, en Bogotá.](media-21410.jpg "O presidente de Colombia, Álvaro Uribe [á esquerda] e o ministro de Defensa, Juan Manuel Santos, en Bogotá.")
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
