PUBLICIDADE
Sábado, 20 de marzo de 2010
Portada  |  SOCIEDADE   RSS  |  Xeral   RSS
Enquisa comercial sobre o afeitado
Os galegos, os que máis se afeitan

Redacción .  É a barba un símbolo identificativo da masculinidade? No caso dos galegos semella non ser así, xa que segundo unha enquisa feita pola marca de produtos Wikilson Sword, o 88% non a usa. O estudo recolle que o 80% dos homes galegos lles gusta ir sempre perfectos e ben afeitados e tres de cada catro confesan ter no seu poder produtos para o coidado da pel.

Reloxo 01.07.2009 | 11:39
TAGS: afeitado , galego , barba , máquina ,

A enquisa 'Wilkinson Free Your Skin' recolle que a porcentaxe de galegos que se ve sen barba é superior á de calquera outra comunidade. O 88,19 por cento dos enquisados por Wilkinson afoirma verse sen barba fronte ao espello. Pola contra, só un 10 por cento ser vería con barba de dous días.

Wilkinson Sword, unha das marcas máis importantes de produtos de afeitado fixo este estudo entre preto de 2.500 españois coa finalidade de coñecer os gustos, costumes e tendencias dos homes españois en torno ao afeitado.

O estudo tamén revela que cada vez son máis os homes que se coidan e que consumen gran variedade de produtos adecuados para a súa pel. Neste sentido os galegos enquisados están entre os españois máis presumidos ou que máis se coidan: o 75 por cento confesa que o seu armario está cheo de produtos para o coidado e hixiene persoal.

O 88 por cento confesa non verse con barba, e solo o 10 por cento confesa declara levala habitualmente. Paralelamente nin a barba poboada, bigote e perilla triunfan entre os galegos, que son, por diante de aragoneses e castelán-manchegos os máis presumidos.

Sen embargo, case o 60 por cento dos participantes no estudo confesa afeitarse unha vez por semana, polo que se pode deducir que o look sen barba é máis un reflexo do que lles gustaría levar do que verdadeiramente fan. Só o 13 por cento dos enquisados asegura afeitarse unhas cinco veces por semana.

Máquinas dun único uso

Como moitos españois, os galegos prefiren as máquinas de follas nun 92,41 por cento e non eléctrica, que a usa case o 8 por cento. E dentro das máquinas de follas, ao contrario que a maioría dos enquisados, os galegos prefiren os aparellos dun único uso (72 por cento). O xel (53 por cento) e a espuma de afeitar (40 por cento) son os complementos máis utilizados polos galegos no afeitado.

Un dato curioso é que en Galiza as nais son as que mercan estes produtos (57 por cento dos casos) fronte á maioría dos españois que afirma ocuparse da compra destes produtos.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou