PUBLICIDADE
Sábado, 22 de novembro de 2008
Portada  |  GALIZA   RSS
Redúcese o canon do IBI ao 50%
Os encoros córtanlle a billa aos concellos

H. Vixande .  Os concellos temen que a modificación da fiscalidade dos saltos hidroeléctricos implique unha redución até do 50% no Imposto dos Bens Inmobles que grava estas instalacións.

Reloxo 19.07.2008 | 07:40

Encoro eléctrico Encoro eléctrico

Isto deixaría os concellos nos que están radicados sen unha senlleira fonte de ingresos. Mentres a Federación de Municipios confía en pode acollerse a unha fórmula que evite esta situación, os nacionalistas do BNG láianse de que non proteste coa mesma decisión coa que se enfrontou á Vicepresidencia e á Consellaría de Vivenda. Luciano Fariña, do Consello de Contas, desmente as perspectivas mais pesimistas.
 
O Decreto do Estado 1464 / 2007 de 2 de novembro estableceu unhas novas normas técnicas para a valoración catastral de determinadas propiedades especiais por parte dos concellos e estes sinalan que implica unha redución do 50% no Imposto de Bens Inmobles que se lle aplica ás centrais hidroeléctricas.
 
O alcalde de Castrelo de Miño, Xurxo Rodríguez, estimou que o seu concello deixará de ingresar 200.000 euros anuais, unha quinta parte do orzamento municipal. Castrelo cobraba en concepto de Imposto de Bens Inmobles 240.000 euros anuais procedentes da presa radicada no municipio. Agora recibirá 50.000 euros polo mesmo concepto. Outros 23 concellos de Ourense e un número menor no resto do país, temen recortes orzamentarios cando se aplique o Decreto. “Isto é un atraco”, afirmou o rexedor de Castrelo de Miño, que tamén denunciou a “complicidade” do Goberno central coas grandes empresas de produción e distribución de electricidade. Estas últimas tamén se beneficiaron da supresión da tarifa nocturna.
 
O Consello de Contas reclama prudencia
 
O responsábel da Área de Corporacións Locais do Consello de Contas de Galicia, Luciano Fariña, reclamou prudencia e sinalou que hai que examinar a norma antes de dar a voz de alarma. Fariña explicou que o Decreto introduce un coeficiente de redución da fiscalidade en función da antigüidade da instalación. Isto implicaría o recorte nos impostos catastrais que deben pagar as centrais, mais matizou que non afecta ás melloras introducidas nos saltos. “O cómputo da antigüidade tería que considerarse desde a introdución da última mellora ou investimento, de forma que non se produciría unha rebaixa de ingresos como a que prevén; haberá que analizar cada caso”, sinalou Fariña, que considera que hai certa “desorientación” nos concellos.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación