PUBLICIDADE
Sábado, 22 de novembro de 2008
Portada  |  DEPORTES   RSS
Gómez Noia é o actual campión
O Mundial de triatlón constará de sete probas

Redacción .  A Unión Internacional de triatlón modifica o Mundial que gañou o ferrolán, que pasa a ter seis probas e unha gran final, e sitúa á Copa do Mundo -tamén gañada por Noia- nun rango inferior.

Reloxo 26.08.2008 | 18:11
TAGS: Triatlón , Gómez Noia , Iván Raña ,

Xavier Gómez Noia, deportista de alto nivel Xavier Gómez Noia, deportista de alto nivel

O Campionato do Mundo de triatlón -do que o galego Xavi Gómez Noia é o actual campión- constará de 6 probas en distintas cidades e unha Gran Final a partir de 2009, segundo anunciou na súa presentación en Pequín a directora executiva da Unión Internacional de triatlón (ITU), Loreen Barnett.

"Este novo formato vai permitir que os nosos triatletas poidan dar a coñecer mellor o triatlón no mundo", manifestou Loreen Barnett, no acto de presentación, ao que acudiron os recentes campións olímpicos, a australiana Emma Snowsill e o alemán Jan Frodeno.

Durante os tres primeiros anos, o Mundial celebrarase de marzo a setembro. En ano olímpico, a Gran Final disputarase en outubro ou novembro. O Campionato do Mundo deixa de ser unha competición dun día e convértese así nunha por puntos, onde a Gran Final contará con máis puntos en xogo que o resto de probas.

As cidades que albergarán a Gran Final do Campionato do Mundo nos próximos anos serán Gold Coast (Australia) en 2009, Budapest en 2010 e Pequín en 2011.

Coa creación do novo Campionato do Mundo de triatlón non desaparece a Copa do Mundo, que se converte nunha competición de menor rango. Dúas probas da Copa do Mundo serán puntuábeis para a clasificación do Campionato do Mundo.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación