PUBLICIDADE
Mércores, 08 de outubro de 2008
Portada  |  DEPORTES   RSS
Ás 19 horas en Haifa
O Depor xógase o paso á UEFA na ida da Intertoto

Redacción .  O Deportivo tentará esta tarde deixar resolta a final da Copa Intertoto no partido de ida, que se disputa na cidade israelí de Haifa co modesto Bnei Sakhnin.

Reloxo 19.07.2008 | 13:25
TAGS: Intertoto , Deportivo , Bnei Shaknin ,

O Deportivo recuperou para o partido a Juan Carlos Valerón O Deportivo recuperou para o partido a Juan Carlos Valerón Esta tarde, a partir das 19 horas, o estadio do Maccabi Haifa, principal rival do Bnei Shakhnin, acolle a primeira volta do partido da terceira ronda da Copa Intertoto. O rival do Depor non pode xogar no seu feudo, a uns 40 quilómetros de Haifa, ao non reunir as condicións necesarias para acubillar un compromiso europeo. O cambio de campo restaralle forza ao ambiente do estadio.

A uns 27 graos, o equipo coruñés tentará poñer na práctica a súa condición de favorito. O Bnei Sakhnin, fundado no 1996, asume o papel de vítima. Así o deixou advertir o seu adestrador, Freddy David, que se desfixo en eloxios cara ao Depor, ao que considera un grande da Liga. O conxunto israelí foi cuarto na última Liga e no 2004 converteuse no primeiro equipo árabe en lograr un título en Israel, a Copa.

Con todo, malia partir de favorito, Lotina pediulles aos seus homes que non se confíen, que non se relaxen e que non subestimen o seu rival, que  conta con máis horas de adestramento que os coruñeses.

Un resultado positivo traería o Depor con máis de medio pé posto na UEFA. O partido de volta xogarase en Riazor o próximo sábado, día 26, ás 21.00 horas.

Posíbeis aliñacións
Deportivo: Fabricio; Manuel Pablo, Piscu, Lopo, Juanan, Filipe Luís; Sergio, Juan Rodríguez, Lafita, Valerón; e Riki.

Bnei Sakhnin: Cohen Mier; Abed Rabbah, Paty Yeye Lenkebe, Hamad Ganayem, Bassam Ghanayim; Ali Osman, Mosa Sha'ban; Alaa Abu Saleh, Yaniv Luzon, Haim Banoon; e Hilal Klaila.
COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación