A situación na que nos atopamos e a que está por vir, non é doada para ninguén. A crise é evidente para todos menos para os nosos gobernantes, que seguen e negar as evidencias.

No rural a situación aínda é peor. Os prezos do leite caeron e as empresas din que aínda baixarán máis, colocando moitos gandeiros nunha situación difícil para facerlles fronte aos investimentos que fixeron para mellorar a súa produción.

Unha situación curiosa: o contrato que ampara a recollida de leite entre as empresas e os gandeiros é dos poucos que son verbais, cos problemas que isto ocasiona para a parte máis débil: o gandeiro. Tamén é dos poucos que permite que unha das partes estabeleza o prezo con efectos retroactivos. Parece evidente que o modelo precisa dun cambio.

Os problemas do rural son moitos e moi distintos. No eido educativo, a situación non é mellor. Na provincia de Lugo a Consellaría de Educación decidiu suprimir o primeiro ciclo da ESO nos concellos de Triacastela, Samos, Paradela, O Incio, Portomarín, Baleira e Abadín, condenando a ducias de rapaces a erguerse cedo e botar máis dunha hora no bus.

Pregúntome que fai o goberno galego para facer máis atractiva a vida no rural, máis aló de discusións de campañas publicitarias.

A última de Medio Rural dicía que existe unha nova sabedoría no rural. Faltou dicir: malia o que fai a Xunta, ou mellor, o que non fai.

O problema do bipartito é que lle falta a súa razón de ser, a ultima ratio coa que, cando estaban na oposición. Explicaban todo o que acontecía no país: a culpa é do PP.

Mágoa que agora son eles os responsábeis.