Autopromoción de 'María Visión'

A cadea COPE busca investidores para Popular TV, segundo recoñeceu onte o presidente da compañía, Afonso Coronel de Palma. Durante unha conferencia no Foro da Nova Comunicación, Coronel admitiu que a presenza de Cope no negocio televisivo de ámbito local está agora en "reconsideración", ante a enorme oferta catódica que hai xa e dado que só se pode chegar con este tipo de canles ao 25% da poboación.

Coronel recordou que Prisa, que tamén concesión locais na maioría das bisbarras de Galiza, xa se desprendeu da súa cadea Localia e Vocento, editora do ABC tamén cambiou o seu modelo de negocio neste mercado.

Conversas con María Visión

"Hoxe, somos o único proxecto con cabeceiras locais" e "estamos ante unha certa redefinición do espazo que ocupamos e o que nos queda", sinalou o directivo de Cope. Caballero confirmou que existen conversacións de venda co grupo mexicano María Visión, pero non hai ningunha operación pechada de momento.

A outra emisora de ámbito autonómico concedida na fin da era Fraga e Vtelevisión, de La Voz de Galicia. Esta cadea está a construír os seus estudos en Sabón e aínda non o emite. Tampouco o fan a maioría das 46 TDTs locais, salvo algunhas excepcións como Correo Televisión en Santiago ou Canal Rías Baixas no Barbanza.

Cómpre ter en conta que La Voz está obrigada na concesión á contratación de 148 persoas con máis de 97 millóns de investimento. COPE terá que cumprir con 40 contratos e 2,6 millóns de investimento. Iso si, a Xunta xa indicou que non esixirá as operadoras cumprir todos os requisitos dende o primeiro momento.

 As TDTs privadas autonómicas deben emitir 32 horas de produción propia cada semana, a metade delas en galego.