PUBLICIDADE
Sábado, 22 de novembro de 2008
Portada  |  BLOG XABIER CID   RSS
O goberno escocés aposta polos camiños de ferro
John e mais eu, no tren
Estabamos o vello John Moore e mais eu tomando o fresco na terraza da estación de tren de Stirling. Falabamos disto e daquilo, porque John non se centra moito, quizais por cousa da idade, e nestas propúxome ir a Alloa e estrearlle a vía. Efectivamente, unha nova vía de tren. Isto é Escocia. E isto é, incluso para John Moore, o século XXI.
 03.06.2008 | 08:34

Tren histórico o día da inauguración da vía Stirling-Alloa Tren histórico o día da inauguración da vía Stirling-Alloa. Xabier Cid Esquerda   1 / 2  Dereita  

O percorrido do tren non é demasiado longo: son só media ducia de millas. Pero comunican a pequena cidade de Stirling (Vilagarcía) coa vila grande de Alloa (Caldas). Neste caloroso maio, e logo duns meses a obras, aí imos nós sentados e parolando nun moderno vagón. Alloa é lugar de certa historia que servía de núcleo económico ás outras viliñas da comarca. Na actualidade é cabeza do concello de Clackmannanshire, ten un gran complexo comercial 24 horas e nela dorme e ve a tele moita xente que traballa en Glasgow, Edimburgo ou no propio Stirling, e que até o de agora empregaba o automóbil ou o tedioso bus.

En realidade, por esa media ducia de millas xa pasara un tren hai anos: a liña que unía Stirling con Dunfermline, e que cruzaba por Alloa, empezou a funcionar en 1850 e deixou de facelo hai uns 40 anos, a finais dos 60. Agora o goberno escocés decidiu reabrila, variando algo o trazado e acometendo as melloras técnicas necesarias, cun duplo obxectivo: darlle transporte de mercadorías a unha central térmica nas proximidades e reducir o transporte privado. Saen os trens a cadora de Stirling para Alloa, e de Alloa para Stirling, e vai xente neles. Sobre todo, ao entrar e saír de traballar. O anaco sen vía que prosegue dende Alloa até Dunfermline está, e quizais siga estando, sen recuperar: no seu sitio, discorre un carril bici duns vinte km, chan e repousado.

Pero o meu amigo John Moore non está para andar moito na bici, e volvemos tamén no tren. E ao ver a miña sorpresa e a miña ledicia diante de que no século XXI o goberno decida ampliar as liñas de tren de proximidade, John pregúntame se en Galicia non pasa o mesmo.

Eu enchufo a máquina das lembranzas: cando foi a última vez que se abriu ou reabriu unha estación de tren en Galicia? "Témome", dígolle a John, "que pasou máis tempo ca o da vida dun home". "Ah", dime el, "diso se trata, da vida dos homes".

 
COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
 
Esquerda 1/2 Dereita
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación