PUBLICIDADE
Sábado, 04 de xullo de 2009
Portada  |  GALIZA   RSS
XX aniversario da organización nacionalista
Iria Aboi: 'O BNG non sería entendíbel sen Galiza Nova'

Redacción .  A secretaria xeral da organización xuvenil do BNG, Iria Aboi, lembra que 'o nacionalismo e o BNG non serían hoxe entendíbeis sen a contribución de Galiza Nova'.

Reloxo 10.10.2008 | 18:51
TAGS: Iria Aboi , Galiza Nova , Aniversario , BNG ,

Iria Aboi e a secretaria de organización de Galiza nova, Noa Fernández Iria Aboi e a secretaria de organización de Galiza nova, Noa Fernández Esquerda   1 / 2  Dereita  

Iria Aboi asegurou, durante a presentación da campaña do XX aniversario da organización, que "Galiza Nova é hoxe a primeira do país, cunha militancia activa e comprometida, de máis de 2.500 mozos e mozas”. Neste sentido, subliñou que “o nacionalismo galego e o BNG non serían entendíbeis hoxe sen a contribución de Galiza Nova”, onde se formaron moitos dos cadros do BNG.

Ademais, lembrou que “os centros de información afectivo-sexual, a rede galega de locais de ensaio, o voluntariado en defensa do monte galego ou as políticas en materia de vivenda para a mocidade son iniciativas que partiron de Galiza Nova e que hoxe podemos levar a cabo coa chegada do BNG á Xunta de Galiza”.

Charlas e carteis

A organización nacionalista presentou as principais actividades da campaña “20 anos deixando pegada” que percorrerá todo o país e coa que, ademais de celebrar o aniversario da organización,  pretende incrementar o número de afiliados.

En total, distribuirá máis de 15.000 carteis, 30.000 adhesivos e 35.000 dípticos, ademais de organizar máis de 40 charlas, actos nos centros de ensino e unha exposición itinerante con 10 paneis explicativos dos principais eixos de traballo de Galiza Nova.

A finais de novembro celebrarase un acto central no que se presentará un vídeo sobre os vinte anos de Galiza Nova, dende a súa fundación en Compostela o 25 de xullo de 1988.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario. Grazas pola súa participación.
 
Esquerda 1/1 Dereita
© 2009 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación