Redacción . A Deputación da Coruña vén de aceptar a impugnación do fallo do Premio de Poesía González Garcés que daba como gañadora a obra Construcións de Eduardo Estévez por incumprir as bases da convocatoria ao estar publicada previamente no blog 'en construción'. O galardón pasa a outorgarse a Xabier Lama, que recibira no seu momento un accésit.
Eduardo Estévez, poeta
Para Eduardo Estévez a impugnación carece de “base legal” porque, ao seu ver, “tal e como está descrito nas bases” o González Garcés, “premia unha 'obra', quer dicir que considera a totalidade do material presentado baixo un título e lema” polo que “a obra presentada a concurso é rigorosamente inédita”.
O autor engade ademais que “o informe técnico, sen que caiba lugar a dúbidas indica que, 'só recibe consideración de obra édita aquela que posúe o seu correspondente rexistro, quer no ISBN quer no Rexistro da Propiedade Intelectual, e calquera outra obra sen o devandito trámite sempre adoita considerarse como inédita'”.
Con todo, Eduardo Estévez desbota a posibilidade de presentar un recurso contencioso administrativo contra a Deputación da Coruña.
Descargar Tarifas