PUBLICIDADE
Martes, 09 de febreiro de 2010
Portada  |  MUNDO   RSS
E reclama o 'inuit' como lingua oficial
Greenlandia quere independizarse de Dinamarca

Redacción .  Máis do 75 por cento dos greenlandeses votaron a favor dunha maior autonomía de Dinamarca, nun referendo que podería iniciar o camiño de cara a súa separación total.

Reloxo 26.11.2008 | 15:14
TAGS: Grenlandia , autodeterminación , autonomía , referendo ,

Nuuk, capital de Grenlandia Nuuk, capital de Grenlandia

Malia as súas implicacións, a consulta non é vinculante, xa que Dinamarca ten a última palabra. Porén, os analistas sinalan que o masivo triunfo do “si” constitúe un gran paso de cara á independencia do territorio ártico.

De ser adoptada a reforma do estatuto de autonomía sometida a referendo, Greenlandia acadaría unha maior participación nos ingresos anuais do petróleo. Ademais, o goberno local controlaría por completo os ámbitos xurídico e policial.

Territorio inhóspito

Greenlandia, a illa máis extensa do mundo, converteuse nunha provincia de Dinamarca en 1953, despois de 178 anos como colonia deste país europeo. O seu status cambiou no 1979, cando pasou a ser un territorio dependente autónomo cun goberno propio limitado e un parlamento.

Considerado un dos lugares máis inhóspitos do planeta, depende dos subsidios daneses para soster a súa economía. Dinamarca, principal socio comercial de Greenlandia, está a cargo das súas relacións exteriores e da política de defensa, ademais de contribuír coas dúas terceira partes do orzamento anual. O resto provén principalmente da pesca.

O referendo tivo como marco as especulacións sobre o descubrimento dun suposto depósito de petróleo fronte ás costas sur e oeste da illa glacial, malia que as exploracións iniciais deron resultados negativos.

Nestes comicios, os groenlandeses optaron por reclamar a formación da súa propia forza policial, dos seus tribunais e da súa garda costeira. Ademais pediron que o inuit se converta no idioma oficial da illa. Pero a antiga potencia colonial ten a última palabra.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou