PUBLICIDADE
Mércores, 08 de outubro de 2008
Portada  |  OPINIÓN  |  Teresa Moure
Teresa
Moure
Escritora
Outras noticias
Galiza disidente
 07.07.2008 | 12:32

A Academia Galega, destinada a velar pola lingua da nación, acaba de lle atestar un golpe. Obrigadas a se pronunciaren por unha consulta técnica, as autoridades académicas aseguraron que este é o país dos dous nomes, Galicia e Galiza, que ambos os dous están testemuñados nos textos medievais e se recoñecen como formas históricas da lingua. Até aquí o rigor filolóxico porque, a seguir, a Academia esquece o obxectivo de arroupar a conciencia nacional e insta a usar unha das formas, precisamente a que coincide co español. A linguaxe non é inocente; por iso o rigor filolóxico resulta eslamiado se non se identificar co compromiso. Ao dicirmos Galiza diferenciámonos. Ao dicirmos Galiza conquistamos independencia. Velaí que a tradición disidente co poder nos ensinase a dicir Galiza: para nos construírmos, para nos soñarmos ceibes. Todas as persoas que preferimos Galiza sabemos que a outra forma é máis frecuente, máis popular. Porén, non se trata dunha cuestión de maiorías senón de sementar liberdades. A forma que a Academia avala estará tamén documentada mais non posúe a mesma carga simbólica. O estado condenou algunha vez por queimar trapos que tiñan o aquel de bandeira, demostrando así que todo artefacto pode adquirir un valor simbólico engadido. Parafraseándomos Carvalho, o noso país ou é Galiza ou é a comunidade autónoma galega. As institucións ditan normas; os pobos dótanse de dereitos. Con Galiza disidimos.

 
Imprimir     Tamano Menos Tamano Mas
Vota
 
Esquerda 1/1 Dereita
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación