PUBLICIDADE
Mércores, 08 de outubro de 2008
Portada  |  MUNDO   RSS
Tras un xuízo en Guantánamo
Estados Unidos condena ao chofer de Bin Laden

Redacción .  Un xurado de militares estadounidenses condenou este mércores a un ex chofer de Osama Bin Laden, acusado de suministrar material de apoio ao terrorismo. Este é o primeiro xuízo por crimes de guerra levado a cabo polos Estados Unidos dende a Segunda Guerra Mundial.

Reloxo 07.08.2008 | 08:47
TAGS: Bin Laden , chofer , estados unidos , guantánamo ,

A Casa Branca A Casa Branca

A sentenza, que se fixo pública este xoves, determina que o iemení Salim Hamdam terá que cumprir cinco anos e medio de cade, malia que se enfrontaba a unha pena máxima de prisión perpetua. Os membros do xurado deliberaron algo máis de oito horas antes de alcanzar o seu veredicto.

En Washington, o portavoz da Casa Branca, Tony Fratto, asegurou que o goberno estadounidense estaba satisfeito de que o ex chofer de Bin Laden recibira un xuízo “xusto”, pensando nos futuros procesos para presos en Guantánamo.

“O sistema da Comisión Militar é un proceso legal xusto e apropiado para o procedemento de alegado dos detidos que cometeron crimes en contra dos Estados Unidos e dos seus intereses. Estamos agardando que outros casos vaian a xuízo”, dixo.

Condena do proceso

Pola súa banda, a Unión Americana das Liberdades Civís (ACLU, siglas en inglés) considera que o proceso do tribunal foi un erro en si mesmo. “Calquera veredicto resultante dese defectuoso sistema traizoa os valores estadounidenses. As regras para a comisión militar de Guantánamo están tan equivocadas que nunca se fará xustiza. Dende o principio até o final, foi un desastre monumental para a xustiza estadounidense”, comentou o director da ACLY, Anthony Romero, nun comunicado.

Este é o primeiro xuízo que completa o polémico tribunal de Guantánamo, autorizado polo Goberno do presidente George Bush, para facer procesos a prisioneiros non estadounidenses acusados de terrorismo á marxe da xustiza ordinaria, tanto civil como militar.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación