PUBLICIDADE
Xoves, 28 de agosto de 2008
Portada  |  ECONOMÍA   RSS
É delegado de Medio Rural en Lugo
Emilio López: 'Queren evitar a estabilidade no agro'

Xurxo González .  A mobilización de onte no polígono do Ceao, en Lugo, promovida por Unións Agrarias, atopouse co rexeitamento frontal da Consellería de Medio Rural. O delegado deste departamento da Xunta en Lugo, Emilio López Pérez, rexeitou os actos violentos. López considerou que estes actos se insiren nunha estratexia para obstaculizar a acción da consellaría, que está próxima a chegar a un acordo que garanta a estabilidade de prezos para os produtores na campaña en curso. 'É moi difícil arbitrar se hai patadas nas canelas nos vestiarios e lume nas bancadas', resume López Pérez.

Reloxo 24.04.2008 | 07:31
TAGS: Medio rural , leite , sector lácteo , Unións Agrarias , Emilio López ,

Emilio López Emilio López

O delegado da Consellería de Medio Rural en Lugo, Emilio López Pérez, criticou hoxe de xeito contundente os incidentes ocorridos o martes no polígono do Ceao, en Lugo. A mobilización promovida por Unións Agrarias, e que acabou coa queima de cartóns de leite e o lanzamento de ovos e pedras ás instalacións de Leite Río, insírese para o político nacionalista “nunha estratexia para impedir que se chegue a un acordo que garanta un aumento do prezo medio do leite”.
López Pérez, que ten unha ampla experiencia no mundo do sindicalismo agrario, xa que foi secretario xeral de Comisións Labregas e deputado polo BNG no Parlamento Galego, puxo en relación as accións de onte en Lugo con “escuros intereses políticos e económicos para impedir que o agro galego consiga consolidar o liderado nos sectores nos que ten un amplo potencial”.

“Cada vez que se pretende tomar medidas para acadar estabilidade para o sector, forzas estatais tentan impedir que os sectores produtivos galegos se dimensionen para competir”, sinala o delegado da Xunta, e cita como exemplo as sucesivas iniciativas frustradas para a creación dun grupo lácteo de capital galego. Como exemplo, lembra que en 1997 o daquela conselleiro de Agricultura, Tomás Pérez Vidal, chegou a ter enriba da mesa dúas propostas neste sentido. Pouco despois foi substituído e ningún dos partidos maioritarios españois quixo apoiar unha iniciativa deste tipo.

Rexeitamento a métodos violentos

Aínda que dixo non ter probas, López Pérez mostrouse convencido de que as sabotaxes que están sufrindo os transportistas de Leite Río están promovidas por Unións Agrarias. “Este sindicato estase gañando as antipatías do sector, por iso teñen que traer xente de fóra de Galiza, e moi motivados, para levar a cabo accións como as de onte. É moi simbólica a queima de obxectos como o carro tradicional”, apunta.

Preguntado pola actitude de Xesús Lence, propietario de Leite Río, e que anunciou a diminución da recollida de leite en 10.000 litros diarios, apunta que para a consellería é moi difícil mediar con actuacións como as de onte. “O árbitro teno moi difícil se hai patadas nas canelas nos vestiarios e lume nas bancadas”.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación