Redacción . A campaña electoral invádeo todo, tamén o blogmillo. Os partidos e os seus candidatos reactivan os blogs de cara a transcendental cita do 9M.
Eiras escolleu esta imaxe para ilustrar o seu 'post' sobre a manifestación
No Partido Popular de Galicia, unha dos blogueiros máis activos é Antonio Eiras, número un dos conservadores nas listas pola Coruña. Eiras reactivou a súa bitacora, exclusivamente en castelán, despois de actualizala a miúdo na campaña das eleccións locais.
Manifestación pro-castelán
No seu blog, Eiras non elude os temas polémicos. Por exemplo, fai referencia a carga policial o venres pola noite na cidade herculina. Os antidisturbios golpearon a varias persoas que acudiran a contramanifestarse a favor do galego a raíz dunha convocatoria a prol do castelán organizada pola 'Mesa por la Libertad Lingüística”.
Eiras dá ánimos a Miguel Ángel Robleda Lorente, secretario xeral de Novas Xeracións na Coruña (as mocidades do PP) quen, segundo informa este blog, resultou ferido e tivo que ir ao hospital despois de seren mallado polos contramanifestantes.
O candidato popular lamenta que "nun país democrático sucedan estas cousas” e considera que "algo falla” cando se producen incidentes deste tipo.
Descargar Tarifas