PUBLICIDADE
Martes, 09 de febreiro de 2010
Portada  |  SOCIEDADE   RSS  |  Xeral   RSS
Multados por tentar roubar doces
Dez croissants, 1.080 euros

Redacción .  Un grupo de mozos, algúns dos cales contaba con antecedentes por roubo, salváronse de ingresar no cárcere por tentar roubar unha bandexa de croissants que se atopaba no interior dunha cafetaría de Vigo. Un acordo co fiscal xefe evitoulles a prisión. Agora, terán que pagar 1.080 euros polos croissants.

Reloxo 18.09.2008 | 10:27
TAGS: croissants , doces , bandexa , xuízo , avogados , cárcere ,

Croissants Croissants Finalmente, os sete imputados no 'caso croissant' non irán ao cárcere, malia que a Fiscalía pedira para cada un sete meses de prisión por tentar roubar unha bandexa destes doces nunha bocatería de Vigo. Un acordo co fiscal xefe evitoulles a cadea aos mozos. Tres dos implicados aceptaron tres meses de cárcere substituídos polo pago dunha multa de 360 euros cada un. O xuíz do Penal número dous de Vigo ofreceulles a posibilidade de pagar os cartos a prazos.

Os outros catro acusados, que recolleran nun coche aos que tentaran roubar os croissants, foron absoltos. O caso, que durou dous anos, mobilizou sete avogados de oficio e sete procuradores. O proceso custaralle ás arcas públicas máis de 2.400 euros.

Que pasou?

“Cando os imputados estaban tentando abrir o valo metálico do local foron increpados con berros por uns viandantes que presenciaron os feitos. Foi nese momento cando, de xeito fortuíto, apareceu unha patrulla da policía”, apunta unha das fontes próximas ao suceso. Tanto os rapaces, que non levaban ningún obxecto co que romper ou forzar a persiana, como as testemuñas prestaron declaración. Pola súa banda, os propietarios da bocatería, que se decataron do acontecido de casualidade, non presentaron denuncia nin reclamación ningunha.

Diferenza entre roubo e furto
Para a xustiza tanto ten roubar unha agulla como un diamante, tanto ten roubar un croissant de 0,80 que roubar un reloxo de 4.000 euros, pero non todos os que cometen falcatruadas como a dos croissants sábeno. “Nin sequera a día de hoxe algúns dos imputados toma en serio o que lles pode supor a tentativa de roubo dos doces”, apuntaba hai uns meses unha das fontes que coñece o caso. “O que fai cousas así non é consciente das consecuencias xurídicas que pode haber”, comenta unha avogada.

É vital diferenciar roubo e furto. O roubo ten lugar cando se accede a un obxecto por medio da forza e sempre é delito independentemente do valor do obxecto que foi roubado. Pola contra, cando hai furto mídese o valor e establécese a pena en función da súa contía, cando o valor do furto é inferior a 400 euros é falta, se non, é considerado delito.
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2010 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou