PUBLICIDADE
Martes, 08 de xullo de 2008
Portada  |  MUNDO   RSS
Uribe tenta mellorar a súa imaxe
Colombia extradita aos EE UU xefes paramilitares

Redacción .  Catorce comandantes paramilitares foron extraditados aos EE UU de maneira sorpresiva. Álvaro Uribe intenta así fuxir da sospeita de conivencia con estes grupos de ultradereita.

Reloxo 14.05.2008 | 07:58
TAGS: Álvaro Uribe , Colombia , paramilitares , EE UU ,

Álvaro Uribe, presidente de Colombia Álvaro Uribe, presidente de Colombia

Colombia extraditou onte de xeito repentino 14 xefes dos escuadróns paramilitares de ultradereita aos EE UU para que respondan por cargos de narcotráfico.
A entrega dos antigos comandantes prodúcese nun momento no que medra o escándalo que envolve varios políticos próximos ao presidente colombiano, Álvaro Uribe, importante aliado estadounidense en Sudamérica. Os paramilitares están acusados de reiterados crimes e de participar activamente na guerra contra a guerrilla de ultraesquerda.

Entre os extraditados que xa están en territorio norteamericano figuran nomes tan salientábeis como Salvatore Mancuso, Diego Fernando Murillo, Francisco Javier Zuluaga, Rodrigo Tovar, Hernán Giraldo Serna, Ramiro Vanoy e Juan Carlos Sierra.

Washington pedira a extradición dos ex xefes paramilitares por delitos de narcotráfico. Nun primeiro momento, a xustiza colombiana autorizara a saída dos presos. Porén, Uribe conxelou as extradicións coa condición de que cumprisen cos acordos dun proceso de paz que finalmente facilitou que máis de 31.000 combatentes paramilitares se desmobilizasen e entregasen as armas.

Un dos acordos daquel pacto era que os antigos comandantes paramilitares non volvesen delinquir desde a prisión, algo que non cumpriron, segundo o goberno.
Estas extradicións súmanse á de Carlos Mario Jiménez, Macaco, o primeiro comandante paramilitar enviado aos EE UU, o 7 de maio.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación