PUBLICIDADE
Sábado, 04 de xullo de 2009
Portada  |  MUNDO   RSS
Ataque israelí en Gaza
Cinco palestinos mortos, entre eles catro nenos

Redacción .  Os residentes de Beit Hanun, testemuñas do ataque, din que as vítimas faleceron tras recibir o impacto de varios proxectís lanzados dende un tanque do exército hebreo. Os militares recoñecen estar 'operando' na zona e aseguran que abriron unha investigación para esclarecer o ocorrido.

Reloxo 28.04.2008 | 11:02
TAGS: Ataque , exército israelí , Gaza , Hamás , Beit Hanun ,

Refuxiados palestinos en Beit Hanun despois dun bombardeo israelí. Refuxiados palestinos en Beit Hanun despois dun bombardeo israelí. Comeza a semana con violencia no norte da franxa de Gaza. Cinco palestinos, entre eles catro nenos, morreron esta mañá nun ataque das forzas israelís na localidade de Beit Hanun. Segundo o servizo de emerxencias do Ministerio palestino de Sanidade, outras seis persoas quedaron feridas, tres delas de gravidade.

O exército hebreo, que recoñece estar “operando” na zona por “ameazas terroristas”, asegura que abriu unha investigación para esclarecer o incidente. Amais, sostén que se produciu un intercambio de fogo con milicianos palestinos no que tamén resultou ferido un dos seus soldados.

Segundo os veciños do lugar, os militares israelís comezaron esta mañá unha incursión nos barrios setentrionais de Beit Hanún con tanques, vehículos armados e helicópteros. De acordo co seu testemuño, efectuaron varios disparos de proxectís dende terra que acabaron coa vida dos menores (de entre un e 16 anos) e doutro civil.

O ataque prodúcese en medio das conversas entre Israel e Hamás, a través de O Cairo, para alcanzar un alto o fogo de seis meses en Gaza a cambio do levantamento do bloqueo israelí nesta franxa. O goberno de Ehud Olmert rexeitou a semana pasada a tregua ofrecida por Hamás ao considerar que os milicianos só buscaban “rearmarse”.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
© 2009 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación