PUBLICIDADE
Mércores, 08 de outubro de 2008
Portada  |  OPINIÓN  |  Xosé María Álvarez Cáccamo
Xosé María
Álvarez Cáccamo
Escritor
Outras noticias
Cinco bispos galegos
 18.07.2008 | 17:42

Os cinco bispos galegos andaron a promover entre a súa clientela a obxección de conciencia contra a asignatura de Educación para a Cidadanía. ¿Bispos galegos?

¿Que significa? Se repito sete veces este sintagma, a súa dubidosa música atinxe o estado de amalgama amorfa. ¿Bispos galegos?

Se é certo que existen os cinco tristes bispos galegos, comprendo perfectamente a súa campaña contra un programa pedagóxico destinado a educar os cidadáns no uso da razón civil ou, entre outros asuntos, na ciencia das relacións humanas, incluídas as que determinan a liberdade de escolla persoal no que fai ao amor e ao sexo. Os cinco bispos galegos viven extramuros da Cidade, no arrabaldo da senrazón, onde gobernan as brétemas do pensamento supersticioso e as normas da moral punitiva e dogmática. “Dogma católico” era o título dunha asignatura que padecín durante os anos do meu bacharelato, no século en que imperaba o nacional-catolicismo ao servizo do franquismo que acaso os bispos galegos boten en falta.

Naqueles tempos, os devanceiros dos bispos galegos e toda a curia galaica e hispana, en promiscuo maridaxe coas xerarquías falanxistas e militares coas que colaboraron na cruzada xenocida contra a República, aplaudiron e consagraron co seu nihil obstat a asignatura de Formación del Espíritu Nacional, propaganda fascista destinada a súbditos. ¿É ese o programa de educación para a cidadanía que lles gusta aos bispos galegos? Desculpen: ¿que significa bispos galegos?

 
Imprimir     Tamano Menos Tamano Mas
Vota
 
Esquerda 1/1 Dereita
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación