Voluntarios contra o chapapote do Prestige    1 / 3     En canto á suposta incompatibilidade o que puido darse foi "unha omisión administrativa" por parte da anterior titular do Xulgado número 1 de Corcubión, María Xesús Souto, que se limitaría a non cursar a súa baixa no Colexio de Avogados mentres ocupaba o seu cargo á fronte do tribunal. En todo caso García Ortiz , emprazou o Tribunal Superior de Xustiza de Galicia (TSXG) a investigar os feitos.

Tanto o fiscal como as fontes consultadas no TSXG optaron por "ser prudentes" e "non se adiantar", posto que recordaron que estes feitos serán estudados o próximo venres pola Sala de Goberno do TSXG.

Dotación dun novo xuíz

En canto á dotación dun novo xuíz con dedicación exclusiva ao caso Prestige, fontes do Consello Xeral do Xudicial (CGPX) indicaron que o informe da xuíz aínda non chegou á comisión permanente para ser analizado.Paso previo e necesario para que se decida este reforzo.

En todo caso, o CGPX non descarta que o documento elaborado por Carmen Veiras poida estar en posesión do Consello "pero en fase de estudio".

Ao respecto do envío do informe, o TSXG asegurou que tivo lugar aú últma semana de abril. Ademais, confirmou que o prazo para a presentación de solicitudes de xuíces para facerse cargo do caso rematará o xoves.

Así, despois de que o CGPX aprobe o envío dun maxistrado a Corcubión --feito que non terá lugar, polo menos, ata o martes día 20--, o TSXG proporá un xuíz que deberá ser aprobado polo CGPX seguindo o procedemento ordinario.

Se se alcanza este acordo, o novo xuíz encargado de sacar adiante o caso Prestige será o noveno maxistrado que senta no Xulgado número 1 de Corcubión durante os máis de cinco anos e medio que acumula a fase de instrución.