Fernando Blanco, conselleiro de Innovación e Industria

Ao polonio 210 atribúenlle a responsabilidade de máis de 11.000 casos de cancro en Norteamérica. Durante 40 anos as empresas tabaqueiras estadounidenses ocultaron a súa utilización, segundo o estudo realizado pola prestixiosa clínica Mayo, de Minessota. Do mesmo análise despréndese tamén que esta letal substancia está presente noutros alimentos.

O estudo, publicado no American Journal of Public Hearth, sinala tamén que para facelo analizáronse máis de 1.500 documentos internos das empresas tabaqueiras. Nel considérase que a ocultación deste nocivo produto no tabaco obedeceu a razóns comerciais e tamén de índole xudicial, xa que moitos doentes de enfermidades relacionadas co consumo de cigarros poderían demandar ás grandes marcas de tabaco.

A tese explica que o polonio está presente na folla do tabaco e, ao mesmo tempo, entre os compoñentes químicos que se lle engaden. Durante anos, as tabaqueiras intentaron eliminar a substancia das follas, aínda que todos os seus esforzos, entre os que figura o lavado de follas, o tratamento xenético ou a utilización de filtros, non deron resultado.

O maior grupo tabaqueiro americano, British American Tobacco, indicou a través dun comunicado que a súa empresa descoñecía que esta substancia provocaba cancro. Argumentou tamén que o polonio 210 está tamén na comida e en moitas plantas, entre as que se encontran as framboesas. Mentres, outra compañía do sector, Philip Morris, sinalou que publicara ao longo dos últimos 30 anos todos os informes internos sobre o polonio e que estaban dispoñíbeis na súa web.

Este produto químico foi utilizado en 2006 para asasinar en Londres ao espía ruso Alexander Livitnenko.