PUBLICIDADE
Xoves, 15 de maio de 2008
Portada  |  SOCIEDADE
Iniciativa Kickoff
As igrexas aproveitan a Eurocopa para atraer fieis

Redacción .  Un grupo de igrexas pentecostais de Suíza e diversas organizacións deportivas aproveitarán a celebración da Eurocopa 2008 en terras helvéticas para realizaren diversas iniciativas que aumenten as visitas aos templos.

 09.05.2008 | 07:54

Desde a esquerda, Zé Roberto, Gilberto e Lúcio durante a celebración da selección do Brasil da Copa das Confederacións 2005 en Frankfurt
Desde a esquerda, Zé Roberto, Gilberto e Lúcio durante a celebración da selección do Brasil da Copa das Confederacións 2005 en Frankfurt. REUTERS

Fútbol na rúa, folletos e até emisións de partidos en pantalla xigante forman parte da iniciativa Kickoff-08 'Patada inicial para a fe', que organiza a Alianza Evanxélica Suíza. Tamén se regalará a 'Soccer-Bibel', unha versión "futbolística" da Biblia que contén o Evanxello segundo Lucas. Ao tempo distribuirase o libro 'Deus Fútbol', publicado no 2006, que contén testemuños relixiosos de futbolistas de elite caso de Zé Roberto, Lúcio ou Bordon.

Esta iniciativa xa se realizou en Alemaña no 2006 no mundial de Alemaña. Daquela, 20.000 misioneiros colaboraron coa organización. Nesta ocasión, o obxectivo é que participen nestes actos relixiosos 200.000 persoas durante a Eurocopa.

Fe e fútbol teñen moitas coincidencias. O grupo 'Atletas de Cristo' ten grande influencia no fútbol brasileiro. Os seus adeptos locen camisetas de 'Xesús ámate' cando marcan gol ou ao gañaren un título.

O seleccionador portugués, o brasileiro Luís Felipe Scolari, declarouse devoto da Virxe de Caravaggio e o español, Luis Aragonés, prometeu facer o Camiño de Santiago se o seu equipo gaña o título continental.

 
Imprimir     Tamano Menos Tamano Mas
Vota
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Preguntoiro, 9 - 1º esq. 15704 Compostela
Tel. 981 569 193 - 981 570 264



Publicidade:
Tel. 986 43 38 30
PDF  Descargar Tarifas


publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil