PUBLICIDADE
Domingo, 21 de marzo de 2010
Portada  |  ECONOMÍA   RSS
No mes de maio
A produción industrial reduciuse case un 22 por cento

Redacción .  O Índice Xeral de Produción Industrial (IPI) descendeu no mes de maio un 21,9 por cento respecto ao mesmo mes do ano pasado, co que Galiza se sitúa como a oitava comunidade na que o retroceso foi maior, segundo os datos publicados polo Instituto Nacional de Estatística (INE).

Reloxo 03.07.2009 | 10:45
TAGS: Produción industrial , Galiza , IPI ,

A produción de coches baixou máis dun 40 por cento A produción de coches baixou máis dun 40 por cento

En todo o Estado a caída foi do 22,3 por cento en maio e do 20,5 por cento ao descontar os efectos de calendario. Deste xeito, a produción industrial empeorou lixeiramente no quinto mes do ano, ao rexistrar unha caída interanual superior en máis de punto á de abril, que foi do -19,4 por cento.

Co descenso de maio, a produción industrial acumula xa trece meses de caídas interanuais consecutivas, presentando retrocesos de dous díxitos desde outubro de 2008.

Tendo en conta os datos entre xaneiro e maio, a redución experimentada polo índice na Comunidade galega foi do 20,9 por cento, con respecto ao mesmo período de 2008.

Nos primeiros cinco meses do ano, a produción industrial en España retrocedeu un 22,8 por cento en comparación co mesmo período de 2008, descenso que baixa ata o 21,6 por cento eliminado o efecto calendario.

Actividades

Todas as actividades experimentaron en maio descensos interanuais na súa produción, destacando a fabricación de vehículos de motor, remolques e semirremolques, que rexistrou unha caída do 41,8 por cento, en liña coa difícil situación que vive o sector do automóbil e a desaceleración do consumo.

Tamén se rexistraron descensos próximos ao 40 por cento na fabricación de móbeis (-39,1 por cento), e na fabricación de material e equipo eléctrico (-37,1 por cento).

Descenso xeral

Todas as comunidades experimentaron en maio caídas na súa produción industrial, rexistrándose os maiores descensos en Navarra (-32,1 por cento) e Euskadi (-27,7 por cento). As menores caídas corresponderon a Castela-A Mancha (-10,8 por cento) e Canarias (-11,2 por cento).

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou