PUBLICIDADE
Sábado, 22 de novembro de 2008
Portada  |  SOCIEDADE   RSS
80 millóns de dólares
A India enviará este mes un foguete á Lúa

Redacción .  A India quere mandar un foguete á Lúa o 22 de outubro. Este é o primeiro paso nunha carreira de conquista do satélite, que ha culminar no 2020 co envío dunha nave tripulada.

Reloxo 08.10.2008 | 07:06
TAGS: india , lúa , carreira espacial ,

Satélite indio Satélite indio

A carreira espacial volve estar de moda. Pero non coas bandeiras e nomes tradicionais desde o final da II Guerra Mundial. Xa non é Soyuz nin NASA... As novas potencias espaciais son asiáticas. Se hai uns días a China enviou ao espazo exterior o seu primeiro equipo de astronautas, agora é a India quen lle pon data a un ambicioso programa que terminará dentro de 12 anos coa reconquista da superficie lunar.

O 22 de outubro prevese que a India envíe un foguete en dirección á Lúa. O obxecto da viaxe será facer un atlas tridimensional da lúa por medio de sensores de alta definición e tamén obter información sobre os compoñentes minerais da superficie do satélite.

O proxecto conta coa participación de seis países, incluídos os Estados Unidos, e ten un orzamento de ao redor de 80 millóns de dólares. Este presuposto, que algúns criticaron por modesto, é, segundo as autoridades indias, o primeiro paso para unha carreira espacial ambiciosa.

Os equipos de investigación espacial do país asiático xa perfilan deseños de satélites e naves. Dous son os obxectivos primordiais. O primeiro, conseguir mandar unha nave tripulada ao espazo exterior no 2014. Seguindo os pasos da China, a India quere demostrar o seu poderío cunha viaxe ao redor do planeta.

O segundo, e se cabe, máis "romántico", é volver pisar a superficie da Lúa. A India quere enviar unha nave tripulada ao satélite no 2020. Os responsábeis do goberno afirman que conseguirán facelo a un prezo moi competitivo.

COMPARTIR Envía a Chuza Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
 
Esquerda 1/1 Dereita
© 2008 A Nosa Terra
Principe 24 - 1º. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago:
Rúa Laverde Ruíz, 6. Baixo esquerda
15702. Santiago de Compostela.
Tel. 981 569 193 - 981 570 264

Publicidade:
Tel. 616 90 46 88
Tel. 986 43 38 30
publicidade@anosaterra.com
Edita: Promocións Culturais Galegas S.A.
Presidente: Miguel Barros Puente
Conselleiro-delegado: Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación