PUBLICIDADE
Sábado, 20 de marzo de 2010
Portada  |  DEPORTES   RSS
Segundo un estudo elaborado pola FIBA
A afección do Breogán, das máis numerosas de Europa

Redacción .  A afección do Breogán é unha das máis numerosas de Europa, segundo un estudo e posterior ránking elaborado pola FIBA. A cada partido do conxunto lugués asisten unha media de 3.225 espectadores, o segundo da Liga LEB Ouro, detrás do Grupo Begar León.

Reloxo 01.07.2009 | 13:19
TAGS: Breogán , baloncesto , afección , ,

Afección do Breogán Afección do Breogán

O enraizamento do baloncesto na cidade de Lugo é tal que o seu equipo, o Breogán é un dos que máis xente leva ao Pazo dos Deportes da vella urbe romana en toda Europa. No Estado español só está superado polos da ACB, malia que moitos dos equipos desta categoría están a rexistrar retrocesos na asistencia de público as súas bancadas, mentres na capital luguesa a tempada que vén de rematar experimentou un incremento superior ao catro por cento.

Esta lista, elaborada pola FIBA, inclúe 314 equipos de baloncesto de todo o continente e está encabezada polo CAI Zaragoza, seguido do Alba Berlín xermano. O Breogán ocupa o posto 53, tendo unha media de seguidores que se sitúa ao redor dos 3.225 en cada encontro, cifra superior á dos que asisten aos partidos da Segunda División B do fútbol e incluso supera moitos clubs do mesmo deporte da categoría de prata.

Así mesmo, sorprende que o cadro galego de baloncesto supere equipos do potencial e historia do NGC Cantú ou a antiga Mobilgirgi de Varese e tamén ao Panathinaikos, todos eles amplamente recoñecidos en Europa. Neste mesmo estudo sinálase que a liga LEB Ouro de baloncesto é a quinta competición deste deporte con maior asistencia de público ás canchas de toda Europa.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou