Exercicio ao aire libre nun parque público

Segundo os datos facilitados polo Ministerio de Política Territorial, entre os proxectos de investimento inclúese un total de 1.904, cunha partida orzamentaria de 275.482.875,29 euros.

Pola súa banda, no apartado de programas sociais, a Comunidade galega presentou 317 iniciativas, dotadas cun orzamento de 25.337.479,22 euros.

Os concellos españois presentaron un total de 30.620 proxectos para ser financiados este ano con cargo ao Fondo Estatal para o Emprego e a Sustentabilidade Local. Segundo as previsións dos propios municipios, estes investimentos xerarán ao redor de 274.000 empregos directos.

O pasado xoves terminou o prazo concedido aos consistorios para presentar os seus proxectos de investimento con cargo ao novo fondo local, dotado cun total de 5.000 millóns de euros. Unha vez concluído este período de tres meses, son 8.105 concellos os que dirixiron as súas propostas ao Ministerio de Política Territorial e só nove os que non rexistraron ningunha solicitude.

Postos de traballo

A pesar de que o vicepresidente terceiro do Goberno e ministro de Política Territorial, Manuel Chaves, quixo ser "moi cauto", adiantou que as previsións son que este plan xere no 2010 ao redor de 274.000 postos de traballo. "Isto corresponde a once empregos directos por proxecto", avanzou.

Nesta ocasión, os municipios tiñan a posibilidade de destinar até o 20 por cento do investimento que lles correspondía a gasto social relacionado coa educación e a dependencia. En total, presentáronse 25.389 proxectos de investimento, cun montante de 4.248 millóns de euros, e outros 5.231 para gasto social, cuxa contía elevar a 737 millóns.