PUBLICIDADE
Mércores, 17 de marzo de 2010
Portada  |  OPINIÓN  |  Xosé Luís Franco Grande
Xosé Luís
Franco Grande
Avogado e académico
Outras noticias
Novo achegamento aos talibáns
 08.02.2010 | 10:48

Estase debuxando un novo plan para achegamento e colaboración cos talibáns, ou con algúns deles. Sábese que ten habido contactos coa ONU por máis que se neguen por razóns de seguridade, e na conferencia de Londres do 28 de xaneiro aprobouse un plan de reintegración para aqueles.

O plan, tamén coñecido por plan de reconciliación na proposta de Karzai, ofrécelles aos “insurxentes” postos de traballo  e diñeiro para que deixen a loita armada. Ademais de devolverlles, nun prazo de cinco anos, ás autoridades do país o control da seguridade. Unha boa maneira, por outra banda, de recoñecer que os ocupantes están perdendo a guerra despois de oito anos de terror e morte.

Como dixo a analista Lyse Doucet, “sexan ou non certas estas informacións sobre contactos e conversas coa ONU, está claro que calquera que participe no proceso quere mantelo en secreto. Os que tendan a man estarán en grave perigo. En calquera caso estarase nunha etapa inicial e delicada”

Outros pensan que os talibáns non queren negociacións porque saben que están gañando a guerra. Se ben tamén é certo que os talibáns distan moito de ser un grupo homoxéneo e ben definido. Algúns seguro que queren as negociacións, pero tamén hai moitos –Paquistán non o consentiría, porque os armou e equipou co pensamento posto na India– que non aceptarían de ningunha maneira.

En calquera caso, o continuo deterioro da situación no terreo e cos talibáns facéndose donos dunha boa parte do país, a estratexia negociadora –sinala outro analista– ao mellor terá chegado demasiado tarde.

 
Imprimir     Tamano Menos Tamano Mas
Vota
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou