PUBLICIDADE
Venres, 19 de marzo de 2010
Portada  |  SOCIEDADE   RSS  |  Xeral   RSS
A media foi de 261 minutos ao día
O frío dispara o consumo televisivo en xaneiro

Redacción .  Os españois adicaron a ver a televisión no pasado mes de xaneiro 261 minutos ao día. Un total de 4 horas e 21 minutos, segundo o informe presentado por Barlovento Comunicación con datos de Kantar Media (antiga TNSofres).

Reloxo 05.02.2010 | 10:04
TAGS: Televisión , TDT , consumo ,

Segundo os autores do estudo estas cifras son “históricas”. Dende que Sofres comezara a medir a audiencia das televisións en 1992, xaneiro de 2010 marca un máximo de minutos fronte ao televisor  por diante de decembro e xaneiro de 2009, meses nos que se consumiron 251 e 254 minutos respectivamente.

Galiza é unha das comunidades autónomas nas que menos minutos se adicaron en xaneiro ao consumo deste medio de comunicación, con 233 minutos ao día, xunto a Canarios (236) e Asturias (247).
Aragón (291), Andalucía (276) e Valencia (267), son as comunidades nas que máis tempo se adicou á televisión no primeiro mes de 2010.

Perfil do público

Por franxas de idade, o maior consumo televisivo corresponde ás mulleres e maiores de 45 anos.
Os factores meteorolóxicos, como as baixas temperaturas rexistradas no mes de xaneiro, poden ser unha das causas do aumento do consumo de tempo fronte ao televisor, segundo a consultora que redactou este estudo.  


O consumo de TDT sitúase en 169 minutos de media

O informe tamén revela que a medida que se instaura a TDT aumenta o seu consumo nos fogares do Estado. En xaneiro ese consumo medrou en 3,7 puntos respecto a decembro de 2009, situándose xa cun 56,5 por cento de penetración da TDT nos fogares como media estatal. Pola contra o sistema analóxico rexistrou o seu mínimo mensual cun 21,3 por cento.

Cerca de 22 millóns de persoas, máis do 50 por cento da poboación, contactaron diariamente coa TDT o pasado mes de decembro. Nesta modalidade o consumo medio diario é de 132 minutos, aínda que se se ten en conta só os fogares que xa dispoñen de TDT, a media ascende aos 169 minutos.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou