PUBLICIDADE
Sábado, 20 de marzo de 2010
Portada  |  GALIZA   RSS
DÚAS FIRMAS DE AGASAR CITADAS EN INFORMES DO CONSELLO DE CONTAS
Quen está detrás de Tecnoloxías Plexus e Brétema Consulting?

Manuel Vilas .  O nome de Plexus sae á luz constantemente nas polémicas sobre adxudicacións de administracións do PPdeG en eidos como as novas tecnoloxías e as relacións públicas.

Reloxo 03.02.2010 | 19:45
TAGS: Plexus , Traballo , xacobeo ,

A denuncia da CIG sobre suposta "cesión ilegal" de traballadores por parte de Plexus á Consellaría de Traballo, non é a primeira contratación presuntamente irregular por parte administracións conservadoras a esta firma. Por exemplo, Plexus tamén fixo a polémica web do Xacobeo que, segundo desvelou ANT e denunciou a oposición no Parlamento, foi actualizada antes de que se resolvese o concurso.

"Curiosamente cumpría cos requisitos do prego antes da adxudicación e ata se procedeu á apertura das ofertas económicas sen presenza doutras empresas candidatas", lembrou hoxe a CIG.

 Agasar Cascallar, asesor na consellaría de Pérez Varela

Antonio Agasar Cascallar, ex-asesor da CRTVG na era Fraga e persoa próxima ao círuclo do ex-conselleiro de Cultura Xesús Pérez Varela, figura como apoderado desta empresa, segundo o Rexistro Mercantil. Varias das súas firmas están relacionadas con contratos presuntamente irregulares de administracións do PP.

Este empresario tivo cargos de asesor da Xunta do PP no deseño da Cidade da Cultura e na CRTVG. Este consultor tamén é administrador único de Brétema Consulting, compañía contratada asiduamente por administracións controladas polo PP galego, como o Porto da Coruña, como sinalara o xornalista Perfecto Conde. A CIG asegura que finalmente o Porto da Coruña retiroulle o contrato a Plexus tras o anterior cambio de Goberno.

O nome Plexus S.L. xa saltara á prensa en 2007 na Comisión de Investigación no Parlamento sobre a Cidade da Cultura. Daquela o BNG esgrimira un informe do Consello de Contas que detallaba varias irregularidades nas concesións da polémica obra da Xunta, dirixida polo conselleiro Xesús Pérez Varela, a esta empresa.

Outro informe do Consello de Contas atopara irregularidades na adxudicación da Consellaría de Cultura de Pérez Varela a Brétema Consulting para a promoción da Volvo Ocean Race en 2005, segundo recolleu no seu momento La Opinión da Coruña.

Ademais de Antonio Agrasar Cascallar, asesor da Xunta e da TVG en tempos de Fraga, tamén foi directivo de Plexus Xosé María Sánchez González, ex secretario xeral de Cultura con Pérez Varela, informa Europa Press.

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou