RSS
Europa Press . O pleno do comité de persoal de Ence ratificou a convocatoria dun paro para os días 18 e 19 deste mes tras decidirse durante a asemblea do pasado 28 de xaneiro, na que máis dun 71 por cento dos traballadores apoiou esta medida, que xa lle comunicou á empresa.
03.02.2010 | 08:03
Así mesmo, solicitoulle aos responsábeis de Ence que se convoque "urxentemente" o comité de folga para pactar os servizos mínimos e o voceiro do sindicato CIG, Eladio Torres, apremou a dirección para negociar, tras asegurar que non descarta recorrer aos tribunais se, "como a última vez, os servizos mínimos son abusivos". Torres xustificou a convocatoria de folga baseándose nos incumprimentos do convenio; os axustes laborais no parque de madeira; a retirada do dereito a economato por parte de empregados xubilados e pasivos; ou a falta de seguridade e presuposto para cumprir as normas de prevención, entre outros motivos. "Non hai ningunha reivindicación salarial", aclarou o representante sindical. O portavoz sindical acusou a dirección de Ence de "improvisación" na xestión da empresa e de "xogar ao desgaste" cos traballadores por "non escoitar a parte social". Tamén instou á Xunta para que reciba o comité de empresa, que solicitou en reiteradas ocasións entrevistarse co presidente galego, Alberte Núñez Feixóo e co conselleiro de Economía e Industria, Xavier Guerra. Pola súa banda, Ence considerou que, aínda que "respecta" a decisión dos traballadores, a convocatoria de folga é unha medida "desproporcionada", ademais de expoñer -nun comunicado- que "todos os esforzos deben centrarse en superar a situación económica e aproveitar a visíbel mellora do mercado internacional da celulosa", tras un ano de "esforzo financeiro e operativo".
Detalle da entrada a Ence.
1/1
Últimas
+ lidas
+ votadas
+ comentadas
1/4
Novas relacionadas
Onde aconteceu...
En portada...
-
O Goberno central aproba o proxecto de lei de economía sostíbelO Goberno central aprobou este venres a lei de economía... -
Feixóo pide unha reunión con Zapatero para desbloquear a Lei de CaixasO presidente da Xunta, Alberte Núñez Feixóo,... -
Os supostos contratados a dedo por Baltar, na RedeA ofensiva do PSOE contra as colocacións irregulares na... -
O Goberno oculta os motivos do cese na APLUO director foi cesado pouco despois de que saltase a... -
O BNG propón no Senado a suspensión da suba do IVEO Pleno do Senado debaterá o próximo martes unha... -
Galiza non Se Vende súmase á defensa do idiomaPrimeira manifestación en Santiago deste colectivo dende...
-
Diferenzas entre PSOE e PP pola Rede NaturaO PPdeG e o PSdeG volveron disentir ao redor do grao de... -
Os deputados piden cambios no debate de política xeral‘Se tivésemos máis tempo, poderiamos chegar a máis...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
