RSS
Europa Press . O portavoz nacional do BNG, Guillerme Vázquez, reclámalle ao presidente da Xunta, Alberte Núñez Feixóo, que 'dea marcha atrás' na súa intención de impulsar un novo decreto do galego no ensino e volva 'ao consenso' se non quere enfrontarse 'á resistencia do pobo'.
30.12.2009 | 13:23
"E non seremos tres, seremos miles de cidadáns", augurou o líder nacionalista nunha rolda de prensa celebrada en Santiago, onde compareceu acompañado dos portavoces do BNG no Congreso dos Deputados, Francisco Jorquera, e no Parlamento galego, Carlos Aymerich, tras a reunión da comisión interparlamentaria. A poucas horas da presentación do borrador do decreto que substituirá o aprobado polo anterior Goberno bipartito, Vázquez avisou de que o PPdeG deseñou a súa política lingüística partindo "da falsa tese da imposición" polo que, necesariamente, as súas solucións tamén serán "falsas". Neste punto, incidiu en que "por moito que Feixóo intente presentar o documento coas uvas" e coa bandeira do trilingüismo, "o único que busca é potenciar o idioma español fronte ao galego". "Nin 30 de decembro, nin trilingüismo, haberá resistencia en Galiza", garantiu Vázquez. Con esta visión coincidiu Carlos Aymerich, quen lle avisou ao Goberno autonómico de que "non se irá de rosiñas" e terá "a contestación de moitos galegos que queren este país e que saben que a política lingüística de Feixóo non é a que necesita Galiza".
Guillerme Vázquez, portavoz nacional do BNG.
De feito, o portavoz do BNG na Cámara galega mostrouse convencido de que derrogar un decreto nacido "dun amplo consenso" do que –resaltou– Núñez Feixóo se apartou "apenas nove horas antes" de que fora aprobado no Consello da Xunta "non vai traer nada bo". "Nin para o galego nin para o ensino, que ten outros problemas dos que non se ocupan", incidiu.
Igualmente reprobou que os pais dos alumnos de Educación Infantil poidan votar en que idioma estudan os seus fillos. "A ninguén se lle ocorre que os pais decidan outros elementos do currículo coma se se estuda Matemáticas ou a teoría do creacionismo", ironizou.
1/11
Últimas
+ lidas
+ votadas
+ comentadas
1/4
26
Novas relacionadas
En portada...
-
308.000 € a dedo para o clúster do irmán de VarelaO Clúster do Granito recibirá o 80% da subvención sen... -
Vueling retira as liñas subvencionadas pola XuntaA voceira de Comercio e Turismo do Grupo Parlamentario... -
Méndez presidirá a Fundación Caixa GaliciaO actual director xeral de Caixa Galicia, Xosé Luís... -
O BNG leva ao Parlamento as axudas aos mediosOs nacionalistas preguntaranlle ao Goberno da Xunta no... -
PP e PSOE vetan a cesión das competencias de TráficoOs partidos estatais votan unha cousa en Galiza e agora o... -
Os sindicatos acusan as caixas de dilatar as negociaciónsOs sindicatos con representación nas caixas de aforros... -
Cultura promete recortar o gasto de móbeis no GaiásO secretario xeral de Cultura e Turismo, Antonio... -
Custa máis pagar o catering que manter o comedorO Sindicato de Traballadores e Traballadoras do Ensino de...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Presidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
