RSS
Redacción . Investigadores da Universidade de Santiago (USC) estudan posíbeis dianas terapéuticas para axudar no tratamento da obesidade, unha enfermidade que os médicos consideran 'moi preocupante' no país entre os nenos.
28.12.2009 | 12:47
Así o explicou hoxe o catedrático da USC Carlos Diéguez González, que coordina o Grupo de Investigacións Biomédicas da Facultade de Medicina, que desde hai máis de dez anos investiga mecanismos de regulación da inxesta e do peso corporal.
"O noso traballo ten como obxectivo principal buscar e identificar posíbeis dianas terapéuticas que poidan axudar no tratamento da obesidade", sostivo Diéguez.
A investigación, na que participan máis de 20 investigadores, busca identificar novos mecanismos a nivel hipotalámico que sexan susceptíbeis de poder ser influenciados a través de fármacos novos ou xa existentes. Céntrase, ademais, no estudo daqueloutros mecanismos que crean adicción á comida ou algúns compoñentes da dieta.
O coordinador do proxecto insistiu en que o último punto "é esencial" porque "en moitos casos a inxesta prodúcese debido ao efecto pracenteiro que provocan determinados alimentos".
Grelina
Actualmente, o grupo de investigadores traballa nunha determinada molécula, a grelina, como un dos posíbeis mecanismos que provocan o aumento da inxesta. Ademais, colaboran con diferentes industrias para testar as posíbeis dianas terapéuticas.
"Queremos conseguir que no futuro haxa novos fármacos que, polo menos, diminúan o risco cardiovascular", afirmou Carlos Diéguez e engadiu que así pretenden "mellorar o perfil lipídico e outros factores que fan que os pacientes teñan menos esperanza de vida".
Así mesmo, o coordinador do proxecto resaltou que se trata dunha investigación levada a cabo por novas promesas, entre eles Miguel López e Rubén Nogueiras, gañadores do premio aos mellores investigadores novos que concede a Sociedade Europea de Obesidade.
Prevención
En canto á situación da obesidade en Galiza, reiterou Diéguez que en menores no país supera a media estatal. "Houbo un incremento debido á alimentación inapropiada e a vida sedentaria de moitos nenos", aseverou.
Por iso, considerou que hai que previr de forma "sinxela" esta situación, fomentando a diminución da inxesta e aumentando o exercicio físico.
1/1
Últimas
+ lidas
+ votadas
+ comentadas
1/4
1
Novas relacionadas
En portada...
-
O Goberno central aproba o proxecto de lei de economía sostíbelO Goberno central aprobou este venres a lei de economía... -
Feixóo pide unha reunión con Zapatero para desbloquear a Lei de CaixasO presidente da Xunta, Alberte Núñez Feixóo,... -
Os supostos contratados a dedo por Baltar, na RedeA ofensiva do PSOE contra as colocacións irregulares na... -
O Goberno oculta os motivos do cese na APLUO director foi cesado pouco despois de que saltase a... -
O BNG propón no Senado a suspensión da suba do IVEO Pleno do Senado debaterá o próximo martes unha... -
Galiza non Se Vende súmase á defensa do idiomaPrimeira manifestación en Santiago deste colectivo dende...
-
Diferenzas entre PSOE e PP pola Rede NaturaO PPdeG e o PSdeG volveron disentir ao redor do grao de... -
Os deputados piden cambios no debate de política xeral‘Se tivésemos máis tempo, poderiamos chegar a máis...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
