PUBLICIDADE
Venres, 19 de marzo de 2010
Portada  |  SOCIEDADE   RSS  |  Xeral   RSS
Incidencias nalgúns puntos do país
Tres estradas requiren o uso de cadeas por xeo e neve

Europa Press .  Tres estradas galegas requiren cadeas para circular, mentres que en numerosas vía do resto da rede viaria galega hai que extremar a precaución pola presenza de xeo e neve.

Reloxo 16.12.2009 | 10:52
TAGS: temporal , neve , xeo , cadeas ,

Aviso de neve na estrada Aviso de neve na estrada. AGN

Segundo a información facilitada pola Dirección Xeral de Tráfico (DXT), son necesarias cadeas na PO-534 entre os quilómetros 15 e 25 ao seu paso pola poboación de Cachafeiro; e na EP-7201 en Silleda. Ademais, tamén son requiridas na N-541 entre os quilómetros 39 e 41 en Beariz.

Segundo os datos do 112 proporcionados a Europa Press, rexístranse problemas para circular por neve nos municipios de Allariz (A-52); Bande; Beariz (OU-212 e N-541); O Bolo (OU-533); Celanova (OU-540); Maceda (OU-536); Riós (A-52); Sandiás (N-525); Verín (Alto da Estivadas); Vilar de Barrio (OU-11); Monterrei (N-525); A Mezquita; e Xunqueira de Ambía.

A AP-53 ao seu paso polo municipio de Dozón; a PO-533 en Rodeiro –quilómetros 15 ao 21–; e a AP-53 en Silleda –quilómetros 33 a 29–, son as máis afectadas. Ademais, a DXT resaltou que hai que extremar a precaución na autovía das Rías Baixas, a A-52, desde o quilómetro 0 en Benavente até a Cañiza.

Sal e coches atrapados

A neve e o xeo provocaron nas últimas horas numerosas saídas de vía que se saldaron sen feridos, e que algúns vehículos quedasen atrapados nalgúns puntos da rede viaria galega.

En concreto, estas incidencias sucederon en Laza, Riós, Boimorto, Arzúa, Bande, Vilar de Barrio, San Cibrao das Viñas --onde un camión quedou atrapado polo xeo–, Beariz, Silleda, Allariz –onde un vehículo non puido continuar pola neve.

Tamén, o 112 informou de que levaron a cabo "numerosas intervencións" en localidades como Dozón, Lalín e Silleda por mor da presenza de neve en estradas e accidentes sen feridos.

Ademais, a localidade de Muiños quedou sen luz sobre as 6h15 horas. Protección Civil alertou de que todo o pobo estaba sen luz e, tras contactar cos técnicos, pasadas as 7h30 horas restabeleceuse o servizo eléctrico.

A neve tamén lles afecta aos deputados

A neve caída atrapou tres deputadas do Grupo Socialista na estrada entre Ourense e Santiago, o que lles impediu chegar ao pleno do Parlamento, onde hoxe se celebra a súa segunda xornada do debate dos orzamentos da Xunta para 2010.

Ao comezo da sesión, o portavoz parlamentario do PSdeG, Xaquín Fernández Leiceaga, pediu a palabra para desculpar a ausencia de varias deputadas socialistas, xa que se atopan "atrapados" pola neve. En concreto, faltan no hemiciclo as ourensás Laura Seara, María Quintas e Carme Acuña.

O vicepresidente do Parlamento, Xosé Manuel Baltar, contestou que é consciente da situación, dado que el mesmo a sufriu. Por parte do PPdeG e do BNG, manifestaron que non falta ningún dos deputados.

Decembro do 2008

Unha situación similar se viviu no pleno do 2 de decembro do pasado ano, cando se atrasou uns 40 minutos debido a que varios deputados que se dirixían a Santiago quedaron atrapados na Autoestrada do Atlántico, a AP-9, por mor de dous accidentes múltiples.

Entón, os accidentes tamén se produciron como consecuencia das condicións meteorolóxicas, xa que a calzada sufrira xeadas e se atopaba en mal estado.
   

COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou