Como lle cambiou a vida ao deportista americano. De xenro ideal a “picha brava” en dous días. Este tipo non poderá sair da súa casa nunhas cantas semanas… ou meses. Imaxinádeo comprando o pan, os veciños que cachondeo:

–Que? Non che chegan os buratos do campo de golf, que tes que ir buscalos fóra tamén, non?

–Estás feito un golfo, Golf... o!

A prensa máis morbosa tirou da manta, e descubríronselle polo de agora (a cifra segue en aumento constantemente) unhas 12 ou 13 amigas con dereito a roce. Modelos, presentadoras, actrices porno, caixeiras de supermercado... Coñécese que o sr. Woods gosta de practicar o salto do Tiger, con diferentes mozas cada vez. Si, o chiste é malo de carallo. Seino.

O caso é, que me acordei deste tipo, agora que está a pasar un mal momento no seu matrimonio (parece ser que a súa señora non acaba de admitir o tema das amantes... que muller máis exquisita). A cousa é que este luns, pesquisando pola internet unhas fotos dunha das mozas de Tiger, atopei unha nova moi, pero que moi curiosa. Curiosa e até me atrevería a dicir que... desagradábel tamén. Tivo lugar en Bogotá, onde un home decidiu autocastrarse para non lle ser infiel á súa dona. O tipo, crente en exceso atendía a un consello da Biblia que di así: “se a túa man ou o teu pé te fan pecar, córtaos e tira con eles, porque máis vale entrar na vida eterna manco ou coxo que ser destinado ao lume do inferno coas túas dúas mans e os teus dous pés". Vese que o home tiña a tentación e antes de facer ren pois... decidiu cortar o problema pola raíz. Concretamente pola raíz dos c...

Tiger Woods non tomou esa decisión, é a súa ducia de jamelgas seguro que lle están agradecidas. De feito, eu penso que no seu caso, a tentación asaltouno xa deitado na cama coa oitava das súas conquistas. Pero ben, o caso é que agora deberá pagar caros eses “flirteos” pois deberá pagarlle á súa muller unha cantidade insultante no divorcio, se este se produce. De ser así, con 300 millóns para a sra. Woods este sería o máis caro da historia, superando así o de Paul McCartney, que tivo que pagar tamén unha boa cantidade de pavos á súa ex-muller. Dende entón que lle quedou esa cara de parvo... está flipando aínda o tío.

Como resultas de todo esta lea, dise tamén que Tiger Woods deixará o golf profesional. Sen traballo tampouco na publicidade (os sponsors están retirándolle os apoios) Que camiño percorrerá agora o futuro laboral de Tiger? Atenderá os consellos da súa amante actriz X e probará sorte no cinema para adultos? Algúns títulos que podería protagonizar:

–Prácticas de golf na cama do meu loft

–Xogamos ao golf un anaco? Eu poño o pau e ti o burato

Aí o deixo.