Bill Gates -o maior accionista de Microsoft- visitou ao presidente Zapatero en maio pasado para convencelo de que os portátiles dos nenos españois deberían levar Microsoft Windows instalado. Non llo boto en cara, o fin e ao cabo, foille vender o seu producto. 

Foi coma un vendedor de enciclopedias que vai de porta en porta, pero coa seguridade de que lle ían a invitar a pasar e tomar un cafeliño mentres explicaba o ben que quedarían os 25 tomos da enciclopedia no salón. Canto máis tomos mellor, porque as enciclopedias de 25 tomos son para adornar, deixarnos de intelectuais e estudiosos ante as visitas, ninguén comproba a calidade do de dentro...

Por desgraza, Zapatero non entendou ben a Bill, cousa do English o do analfabetismo tecnolóxico, vai ti saber. Poucos días despois, afirmaba nun mitín en Extremadura que o vendedor de enciclopedias de 25 tomos lle dixera que Extremadura era líder e referencia mundial pola extensión das tecnoloxías grazas ao software libre...

Gates loubando a experiencia extremeña de decenas de miles de ordeadores con software libre nas escolas? Que mal vendes Bill! Non home non,   referiase a Aragón e a tablets con Windows na escola (un desastre de proxecto, por certo). Zapatero, en English e tecnoloxía "cero patatero", como diría o anterior no cargo, dotado co mesmo nulo coñecemento námbalas dúas materias.

Con malentendido e todo, acabamos mercando a enciclopedia: O Ministerio de Educación ven de firmar un convenio con Microsoft para mercar Windows a 8 euros, cun 90% de "desconto", o cal pode ser aproveitado polas comunidades autónomas que o desexen.

O malo do Windows é que se asemella demasiado á droga: non sabes que leva dentro (coma a enciclopedia, mira ti), xenera adicción e a primeira dose é case gratis. Xa veremos como sae de prezo a seguinte...

Porén, o problema grave non é so o analfabetismo tecnolóxico da clase política, senón a súa teima por non aprender. En España temos aló menos 2 comunidades gobernadas polo PSOE con experiencias de notable na implantación de software libre na escola: Andalucía e Extremadura. Manda carallo cos políticos!

E que fas cando nin sabes nin queres aprender? Faste "reseller", adícaste a prescribir e revender servizos e productos de outros, ainda que sexa duns sancionados por prácticas monopolistas e do outro lado do océano, por diante do coñecemento libre e o aforro económico que tes na casa. Parafraseando a Unamuno: "¡Que inventen eles!"

En troques da Wikipedia mellorada e completada na casa, eliximos a enciclopedia de 25 tomos do vendedor ambulante, para quedar ben ante as visitas... O Goberno Español xa é "reseller" oficial de Microsoft, imos buscar a bandeira na sección de partners...

Ah, por certo, pediremos que distribúan os Windows en CDs, non? Así pagamos o canon e contentamos tamén á industria de copia de CD e DVDs... Viva a Lei de Economía Sostible: sosténs e CDs de Windows para tod@s!

E para rematar, falando da Terra: Feixóo cumprirá a promesa electoral e apostará polo software libre na Escola 2.0 galega, verdade? Alguén sabe como está o tema en Galicia?