PUBLICIDADE
Domingo, 21 de marzo de 2010
Portada  |  ECONOMÍA   RSS
Precisaría unha OPA a Pescanova
As participacions compartidas problema nas fusións

Xurxo González .  O investimento directo de Caixa Galicia e Caixanova en varias empresas sería un dos escollos a salvar nunha hipotética fusión.

Reloxo 08.12.2009 | 09:35
TAGS: Pescanova , fusión das caixas , caixanova , caixagalicia , reganosa , R ,

Peirao e factoría de Reganosa en Mugardos, empresa participada por ambas caixas. Peirao e factoría de Reganosa en Mugardos, empresa participada por ambas caixas.

Xavier Vence, catedrático de Economía da Universidade de Santiago de Compostela, apunta que “a participación nalgunhas empresas da entidade resultante superaría certos límites que implicarían algunhas dificultades. Ao sobrepasar o 25% do capital a nova caixa debería lanzar unha OPA sobre a totalidade das accións se non se reduce a participación. Esta situación daríase en Pescanova”.


Vence afirma tamén que “nas que se supere o 20% a lei obriga a consolidar as contas da empresa coas da entidade financeira, o que normalmente prexudica a esta última”.

Preto da metade das empresas participadas polas caixas son foráneas
O investimento directo en compañías representa tan só arredor do 3% dos créditos concedidos por Caixa Galicia e Caixanova
En xullo Caixa Galicia e Caixanova entraron no accionariado de Itinere, a compañía propietaria da Autoestrada do Atlántico. Logo da operación, o departamento de comunicación de Caixa Galicia  gabábase de que a entidade alcanzaba os “686 millóns de euros en investimento directo en 72 empresas galegas”. No informe de Caixanova relativo ao ano 2008, afírmase que “a toma de control e posicionamento en empresas rendíbeis con perspectivas de futuro traduciuse nun aumento da carteira de participacións de 283 millóns de euros, o que supón un aumento do 82,7% respecto ao ano anterior.
 
Os anteriores son dous exemplos da opinión das caixas sobre a súa actividade industrial. O apoio das empresas e da economía das súas zonas de implantación é unha das razóns de ser das caixas de aforro que, como entidades fundacionais, non deberían responder simplemente ao criterio do beneficio como os bancos, organizacións de carácter privado.
 
Así e todo, a “galeguidade” do investimento produtivo das caixas ás veces pode quedar en cuestión. Un exemplo é esta entrada en Itinere, na que, en conxunto, as caixas galegas posúen arredor do 16%, e que Caixa Galicia caracteriza como empresa galega. É certo que se trata dunha sociedade que xestiona un recurso esencial para o país, a Autoestrada do Atlántico, pero a maioría do seu capital estaba en mans dunha construtora multinacional española (Sacyr) até finais de 2008, cando o control pasou a un grupo financeiro global de capital estadounidense (Citi). Por outra parte, a sede de Itinere está en Bilbao.

Importantes investimentos fóra
 
Algunhas das empresas máis importantes participadas por Caixa Galicia e con sede no país son Pescanova, a louseira Cupa, Factoría Naval Marín, a eólica Norvento, a madeireira Finsa, a metalúrxica Dinak, Reganosa ou a adega Terras Gauda. Así até 72 sociedades. Con todo, a carteira total da entidade está composta por arredor de 150 compañías, polo que máis da metade non son galegas.
 
Caixa Galicia participa así na sociedade de seguros Caser, a inmobiliaria Afirma (antiga Astroc), a construtora Sacyr, a produtora catalá Filmax (con capital de orixe galega), ou Inforsistem, cuxa sede está en L’Hospitalet de Llobregat e se dedica á impresión e loxística de grandes cantidades de documentos confidenciais.
 
Caixanova comparte coa caixa coruñesa participacións en Pescanova ou Renagosa. O apoio directo a empresas galegas concrétase en casos como a inmobiliaria Raminova ou o buque insignia da galeguidade industrial de Caixanova, o 40% de participación que lle outorga o control sobre R Cable e Telecomunicacións.
 
A entidade con sede en Vigo tamén posúe numerosas participacións en sociedades foráneas, como varias inmobiliarias (Comtal Estruc, Cora Integral, Desarrollos Territoriais Inmobiliarios, Euromilenio Proyectos), as consultoras Ciser e Exportalia ou a Sociedade Inversora en Residencias para Estudiantes.
 
Comparación co volume de negocio
 
O BNG foi o partido que máis insistentemente reclamou unha maior implicación de Caixa Galicia e Caixanova co tecido produtivo galego, até o punto de incluír este aspecto no texto que propuxo como nova Lei de Caixas. Os nacionalistas teñen denunciado o, na súa opinión, desvío do aforro dos galegos cara o exterior.

Aínda que para o cidadán de a pé centos de millóns de euros representan unha cantidade moi respectábel, é importante a comparación coa cantidade de diñeiro que manexan as entidades. O balance de Caixa Galicia a finais de decembro de 2008 estabelecía que o volume de crédito concedido pola entidade ascendía a preto de 38.000 millóns de euros. As participación en empresas eran de 1.100 millóns de euros, das que, como xa se dixo, aproximadamente a metade correspondían a empresas consideradas “galegas”.
 
A proporción no caso de Caixanova é semellante, xa que o volume de crédito concedido pola entidade a 31 de decembro de 2008 ascendía a máis de 17.500 millóns de euros, mentres que as participacións se limitaban a 625 millóns de euros. Ben é certo que en ambos casos unha parte importante do crédito se dirixe a empresas, aínda que as entidades non son moi proclives a especificar, por imperativos do negocio financeiro, a que tipo de sociedades se conceden.
COMPARTIR Envía a Chuza Envía a Facebook Envía a Menéame Envía a del.icio.us Envía a Digg Envía a Google Bookmark Envía a Yahoo My Web Envía a Technorati Envía a Barrapunto Envía a Domelhor
Imprimir     Tamano Menos Tamano Mas
VOTA
A Nosa Terra Diario eliminará todos aqueles comentarios que conteñan vocabulario ofensivo ou publicitario ou que non se axusten ao tema desta información. Grazas pola súa participaciún.
 
Esquerda 1/1 Dereita
© 2010 A Nosa Terra
Principe 22 - Baixo. 36202 Vigo
Tel. 986 22 24 05.

info@anosaterra.com
diariodixital@anosaterra.com
Delegación Santiago
Tel. 620 91 70 56

Publicidade:
Tel. 616 90 46 88
Tel. 986 43 38 30
publicidade@anosaterra.com
PDF  Descargar Tarifas
Edita: Promocións Culturais Galegas S.A.
Vicepresidente e Conselleiro-delegado:
Afonso Eíré López

Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
Premio EGANET 2008 - Web Comunicación Empresarial
Valid XHTML 1.0 Transitional Valid CSS!
Pedro Figueras Comunicación Opsou