RSS
Redacción . A Deputación da Coruña e Casa África organizan a primeira Mostra Itinerante de Cine Africano en Galiza que se celebra dende hoxe e até o sábado, 28 de novembro na sede da Fundación Caixa Galicia da Coruña.
26.11.2009 | 09:44
O ciclo que arranca hoxe está conformado por cinco filmes: dúas longametraxes, dúas curtametraxes e un documental. Esta mostra inscríbese nunha iniciativa máis ampla de Casa África denominada Cinenómada, que constitúe unha aposta da entidade organizadora pola difusión do cine africano no Estado co obxectivo de achegar unha mostra da realidade cultura dese continente. Despois do seu paso pola cidade herculina, esta mostra itinerante recalará nos concellos de Santiago e Ferrol (en ambos nas sedes de Caixa Galicia), así como en Carballo, Arteixo, Rianxo e Ribeira. Con este ciclo preténdese achegar a realidade do continente africano á Galiza que cando os 17 primeiros países en independizarse están a punto de conmemorar o 50 aniversario da súa independencia non son máis ricos nin máis prósperos, a pesares de ser o continente máis rico en recursos naturais. Programa Hoxe o programa deste festival inclúe a proxección de Faro la reine des eaus, de Salif Traoré, sobre a denuncia das tradicións negativas ao desenvolvemento. Mañá, 27 de novembro, proxectarase The Wooden Camera, de Ntshavheni Wa Luruli, sobre o post apartheid e a violencia. Posteriormente haberá unha mesa redonda na que participarán Luis Gaviria, experto en observación de procesos electorais e axuda humanitaria; Desiré Kouakou, da Asociación Egueire Costa de Marfil; e Noelia Núñez, responsáble de Proxectos Equus Cebra. O sábado, 28 de novembro, proxectaranse as curtametraxes Humanitarie!, de Adama Roamba, sobre a denuncia da guerra; e One goal, de Sergi Agustí, sobre a integración social. Tamén se visionará o documental Victimes de nos richesses, de Kal Touré, sobre a inmigración e o soño europeo. O coloquio sobre o tema no que participarán Papa Diop, da Asocición Aseser Teranga; Mar Thiaw, da Asociación de Senegaleses de Ribeira; e Iria Vázquez, investigadora da Universidade da Coruña, porá punto e final a este festival. 
1/1
Últimas
+ lidas
+ votadas
+ comentadas
1/4
Ver máis
Novas relacionadas
En portada...
-
Once feridos en novos bombardeos contra os palestinosOnce palestinos resultaron feridos esta noite, dous deles... -
Feixóo tenta sumar apoios no Uruguai e na ArxentinaO presidente da Xunta e líder do PPdeG, Alberte Núñez... -
Freo ás actividades de normalización nas escolasA CIG-Ensino vén de denunciar que a Consellaría de... -
A Xunta prevé aforrar 6 millóns cos 'superdelegados'O Goberno galego cifra en 6 millóns de euros o aforro... -
O BNG propón no Senado a suspensión da suba do IVEO Pleno do Senado debaterá o próximo martes unha... -
Carme Chamorro: 'A gran lacra das redeiras é o intrusismo'A Federación Galega de Redeiras Artesás 'O Peirao'... -
Galiza ten os índices máis baixos de fracaso escolarOs datos do INE indican que a nosa Comunidade está entre... -
Baltar Blanco aplaude o novo decreto do galegoO presidente do PP de Ourense, Xosé Manuel Baltar...
Principe 22 - Baixo. 36202 Vigo
Tel. 986 22 24 05.
info@anosaterra.com
diariodixital@anosaterra.com
Tel. 620 91 70 56
Publicidade:
Tel. 616 90 46 88
Tel. 986 43 38 30
publicidade@anosaterra.com
Descargar Tarifas
Vicepresidente e Conselleiro-delegado:
Afonso Eíré López
Director: Manuel Veiga Taboada
Subdirector: Xan Carballa Alonso
Coordenador Dixital: César Lorenzo Gil
Edición: María Obelleiro Hermida
Charina Giráldez Río
