Manifestación dos traballadores do Consorcio en Santiago. Manuel Vilas    1 / 6    

Profesionais das Galescolas, centros de día e outros servizos marcharon pola zona vella da capital sen incidentes, acompañados polo son de gaitas e potas. “López Abella, dimisión!” foi un dos berros máis coreados na protesta .

Abella pediu desculpas, pero fechará as oficinas de I+B

Profesionais das Galescolas, centros de día e outros servizos marcharon pola zona vella da capital sen incidentes, acompañados polo son de gaitas e potas. “López Abella, dimisión!” foi un dos berros máis coreados na protesta .

Os asalariados, que repartiron panfletos críticos con La Voz de Galicia, seguen a criticar a Susana López Abella, a secretaria xeral que dixo que as oficinas de I+B eran unha axencia de colocación de militantes do Bloque.

Malia que Abella desculpouse publicamente, a intención da Xunta é fechar as oficinas e trasladar as competencias as concellos. Eliminaríanse así as políticas de Igualdade e Benestar nos municipios máis pequenos, sen cartos para aplicalas por si mesmos.

Oposicións e convenio no Consorcio

Os folguistas tamén demandan que a Xunta saque adiante as oposicións que comezou a tramitar o bipartito. A nova Xunta do PP non quere convocalas, pois alegan que hai varias resolucións xudiciais que as consideran un “fraude de lei”. Versión que rexeita o Comité de Empresa, presidido pola CIG.

A terceira reivindicación é a aplicación do convenio colectivo no Consorcio. Asinado co anterior Goberno, a nova Consellería de Traballo e Benestar négase a aplicalo, segundo Anxo Louzao da CIG.

Problemas para o rural

Os asalariados consideran que a intención final do PP é que os servizos sociais “volvan a ser xestionados por entidades privadas, o que resultará economicamente, máis caro, e empeorará o servizo”.

Os especialistas, na súa maioría mulleres, alertan da posíbel “saturación de servizos”, especialmente nas zonas do rural.